STR 49 படத்தில் சீதாராமம் பட நடிகை இணைய இருப்பதாக தகவல் கசிந்துள்ளது.
சிம்பு தற்போது தக் லைஃப் திரைப்படத்தில் நடித்து முடித்துள்ளார். இதைத்தொடர்ந்து இவர் தனது 49வது திரைப்படத்தில் நடிக்க இருக்கிறார். இந்த படத்திற்கு தற்காலிகமாக STR 49 என்று தலைப்பு வைக்கப்பட்டுள்ளது. இந்த படத்தினை பார்க்கிங் பட இயக்குனர் ராம்குமார் பாலகிருஷ்ணன் இயக்க உள்ளார். இதனை டான் பிக்சர்ஸ் நிறுவனம் தயாரிக்கப் போவதாக ஏற்கனவே அறிவிக்கப்பட்டு இருந்தது. அதுமட்டுமில்லாமல் சிம்புவை திரையில் காண ரசிகர்கள் பேரார்வத்துடன் காத்துக் கொண்டிருக்கும் நிலையில் இந்த படத்தின் படப்பிடிப்பு 2025 ஏப்ரல் மாதம் இரண்டாவது வாரத்தில் தொடங்கும் என எதிர்பார்க்கப்படுகிறது. அதேசமயம் இப்படம் இந்த ஆண்டு இறுதியில் வெளியாக வாய்ப்புள்ளதாகவும் சொல்லப்படுகிறது. இதற்கிடையில் இந்த படத்தில் சிம்புவுடன் இணைந்து சந்தானம் முக்கிய கதாபாத்திரத்தில் நடிக்க உள்ளார் என ஏற்கனவே தகவல் வெளியாகி எதிர்பார்ப்புகளை அதிகப்படுத்தி வருகிறது.
அத்துடன் இப்படத்தில் டிராகன் படம் நடிகை கயடு லோஹர் கதாநாயகியாக நடிப்பதற்கு ஒப்பந்தமாகி உள்ளதாகவும் சமீபத்திய தகவல்கள் தெரிவிக்கின்றன. அடுத்தது இந்த படத்தில் சீதாராமம் பட நடிகை மிர்ணாள் தாகூர் இணைய உள்ளார் எனவும் அவர் இந்த படத்தில் பேராசிரியையாக நடிக்க உள்ளார் எனவும் நம்பத் தகுந்த வட்டாரங்கள் தெரிவிக்கின்றன. இருப்பினும் இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.