இது மிகவும் வித்தியாசமாக அவரோட ஸ்டைலில் இருக்கும்…. ‘SK 23’ குறித்து சிவகார்த்திகேயன்!

நடிகர் சிவகார்த்திகேயன் தமிழ் சினிமாவில் முன்னணி நடிகர்களில் ஒருவராக வலம் வருபவர். இவர் தனக்கென ஏராளமான ரசிகர்களை சேகரித்து வைத்துள்ளார். இவரது நடிப்பில் கடைசியாக வெளியான அமரன் திரைப்படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் மாபெரும் வெற்றி பெற்று வருகிறது. இதைத்தொடர்ந்து சிபி சக்கரவர்த்தி, சுதா கொங்கரா ஆகியோரின் இயக்கத்தில் தனது அடுத்தடுத்த படங்களில் நடிப்பதற்கு கமிட்டாகி இருக்கிறார் சிவகார்த்திகேயன். இதற்கிடையில் இவர் ஏ ஆர் முருகதாஸ் இயக்கத்தில் புதிய படம் ஒன்றில் நடிப்பதற்கு கமிட்டானார். அதன்படி தற்காலிகமாக SK 23 என்ற தலைப்பு வைக்கப்பட்டுள்ள இந்த புதிய படத்தின் படப்பிடிப்பு ஏற்கனவே தொடங்கப்பட்டு தூத்துக்குடி போன்ற பகுதிகளில் விறுவிறுப்பாக நடைபெற்று வந்தது. தற்போது ஏ ஆர் முருகதாஸ் சல்மான் கானின் சிக்கந்தர் படத்தில் பிஸியாக இருப்பதாலும் சிவகார்த்திகேயன் அமரன் திரைப்படத்தின் ப்ரோமோஷன் பணிகளில் பிஸியாக இருந்ததாலும் இந்த படத்தின் படப்பிடிப்பிற்கு சிறிய இடைவெளி விடப்பட்டிருந்தது. விரைவில் SK 23 படத்தின் படப்பிடிப்பு மீண்டும் தொடங்கப்பட இருக்கிறது. இந்நிலையில் சமீபத்தில் நடந்த பேட்டி ஒன்றில் நடிகர் சிவகார்த்திகேயன், SK 23 படம் குறித்த சில தகவல்களை பகிர்ந்துள்ளார். அதன்படி அவர் கூறியதாவது, “SK 23 படம் ஏ ஆர் முருகதாஸின் வின்டேஜ் படம் போன்று ஆக்சன் என்டெயினர் படமாக இருக்கும். இது ரொம்ப ரொம்ப வித்தியாசமான படம்” என்று தெரிவித்துள்ளார்.

மேலும் SK 23 படமானது அடுத்த ஆண்டு மே மாதம் திரைக்கு கொண்டு வர திட்டமிடப்பட்டுள்ளது என்பது குறிப்பிடத்தக்கது.