‘மாவீரன்’ படத்தின் டப்பிங்கைத் துவங்கிய சிவகார்த்திகேயன்!

மாவீரன் படத்தின் டப்பிங் பணிகள் துவங்கியுள்ளதாக படக்குழுவினர் அறிவித்துள்ளனர்.

தமிழ் திரை உலகின் முன்னணி நடிகர்களில் ஒருவர் சிவகார்த்திகேயன். இவர் தற்போது ‘மண்டேலா’ திரைப்படத்தை இயக்கிய மடோன் அஸ்வின் இயக்கும் ‘மாவீரன்’ திரைப்படத்தில் நடித்து வருகிறார். இந்தப் படத்தில் அதிதி சங்கர் , யோகி பாபு, மிஸ்கின் , சரிதா உள்ளிட்டோரும் நடிக்கின்றனர்.

இப்படம் சாந்தி டாக்கீஸ் நிறுவனத்தின் தயாரிப்பிலும், பரத் சங்கர் இயக்கத்திலும் உருவாகி வருகிறது. இந்தப் படம் ‘மாவீரன்’ என்று தமிழிலும் ‘மாவீருடு’ என்று தெலுங்கிலும் வரும் ஜூலை 14 ஆம் தேதி வெளியாக இருக்கிறது.

மேலும் இந்த படத்தின் இறுதி கட்ட படப்பிடிப்பு நிறைவடைந்துள்ள நிலையில் இந்த படத்திற்கான டப்பிங் வேலை இன்று தொடங்கியுள்ளது.
இதனை உறுதி செய்யும் விதத்தில் இப்படத்தின் தயாரிப்பு நிறுவனம் வீடியோ ஒன்றை வெளியிட்டு அறிவித்துள்ளது.

இந்தப் படத்தை அடுத்து சிவகார்த்திகேயன் ராஜ்குமார் பெரியசாமி இயக்கத்தில் புதிய படத்தில் நடித்து வருகிறார். இந்தப் படத்தில் சாய் பல்லவி கதாநாயகியாக நடிக்கிறார். கமல்ஹாசனின் ராஜ்கமல் இன்டெர்நேஷ்னல் நிறுவனம் இந்தப் படத்தைத் தயாரிக்கின்றனர். ஜிவி பிரகாஷ் இந்தப் படத்திற்கு இசையமைக்கிறார்.