அமரன் படத்தை தொடர்ந்து 2025 தீபாவளியை டார்கெட் செய்யும் சிவகார்த்திகேயனின் புதிய படம்!

சிவகார்த்திகேயன் நடிப்பில் கடந்த ஆண்டு தீபாவளி தினத்தன்று அமரன் திரைப்படம் வெளியாகி ரசிகர்கள் மத்தியில் வசூல் ரீதியாகவும் விமர்சன ரீதியாகவும் மாபெரும் வெற்றி பெற்றது. இந்த படத்திற்குப் பிறகு நடிகர் சிவகார்த்திகேயன் தன்னுடைய அடுத்தடுத்த படங்களை மிக கவனமாக தேர்ந்தெடுத்து வருகிறார். அந்த வகையில் வெற்றிப் பட இயக்குனர்களுடன் கைகோர்த்து வருகிறார். இதற்கிடையில் இவர், பிரபல இயக்குனர் ஏ ஆர் முருகதாஸ் இயக்கத்தில் தன்னுடைய 23 வது திரைப்படத்தில் நடித்து வருகிறார். இந்த படத்திற்கு தற்காலிகமாக SK 23 என்று தலைப்பு வைக்கப்பட்டுள்ளது. இந்த படத்தில் சிவகார்த்திகேயனுடன் இணைந்து ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடிக்கின்றனர். இந்த படத்தை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசை அமைக்கிறார். ஆக்ஷன் கலந்த கதைக்களத்தில் உருவாகும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி இந்த படத்தின் படப்பிடிப்புகளும் ஏறத்தாழ நிறைவடைந்ததாக சொல்லப்படுகிறது. மேலும் இந்த படத்திற்கு ‘சிங்க நடை’ என்று தலைப்பு வைக்கப்பட்டுள்ளதாகவும் ஒரு தகவல் சமூக வலைதளங்களில் பரவி வருகின்றன. இந்நிலையில் இந்த படத்தின் ரிலீஸ் குறித்த லேட்டஸ்ட் அப்டேட் வெளியாகியிருக்கிறது. ஏற்கனவே இந்த படம் 2025 கோடையில் வெளியாகும் என சொல்லப்பட்ட நிலையில் தற்போது இந்த படம் 2025 தீபாவளிக்கு வெளிவரும் என புதிய தகவல் தெரிவிக்கின்றன. அதாவது விஜயின் கடைசி படமான ஜன நாயகன் திரைப்படம் 2025 அக்டோபர் மாதத்தில் இருந்து 2026 பொங்கலுக்கு வெளியாகும் என சொல்லப்படுகிறது. எனவே ஜன நாயகன் திரைப்படம் தள்ளிப்போனால் இந்த ஆண்டு பொங்கலுக்கு சிவகார்த்திகேயனின் SK 23 படம் களமிறங்கும் என்று எதிர்பார்க்கப்படுகிறது. கடந்தாண்டிலும் தீபாவளியை டார்கெட் செய்த சிவகார்த்திகேயன் இந்த ஆண்டிலும் தீபாவளியை டார்கெட் செய்கிறார் என்று ரசிகர்கள் பலரும் கமெண்ட் செய்து வருகின்றனர்.