எஸ்.ஜே.சூர்யா தொடக்க காலத்தில் உச்ச நட்சத்திரங்களான விஜய், அஜித், மகேஷ் பாபு, பவன் கல்யாண் என ஸ்டார் நடிகர்களின் படங்களை இயக்கிப் புகழ்பெற்று பின்னர் ஹீரோவாக களம் இறங்கி சில வெற்றி படங்களையும் கொடுத்தார். அதைத்தொடர்ந்து முழு நேர ஹீரோவாக நடிப்பதில் கவனம் செலுத்தினார். இவர் நடிப்பில் வெளிவந்த அடுத்தடுத்த படங்கள் தோல்விப் படங்களாக அமைந்தன. ஒரு கட்டத்தில் சினிமாவில் இருந்தே நீண்ட நாட்கள் விலகி இருக்கும்படி ஆகிவிட்டது. இந்நிலையில் மீண்டும் ஒரு சில படங்களில் தலை காட்டினார், இருப்பினும் இவரை அடுத்த ரவுண்டுக்கு தயாராக்கி விட்டது “இறைவி” படத்தில் இவர் ஏற்று நடித்த கதாபாத்திரம். அன்றுமுதல் தரமான கம்பேக்கை கொடுத்து அடுத்தடுத்து பல படங்களில் ,முக்கியமாக வில்லனாக நடித்து மிரட்டி வருகிறார்.
நடிப்பு அரக்கனாக தன்னை செதுக்கி கொண்ட எஸ்.ஜே.சூர்யா அடுத்ததாக இந்தியன் 2 படத்தில் கமலுக்கு வில்லனாக நடித்துள்ளார்.
இந்நிலையில் சிவகார்த்திகேயன் நடித்த ரெமோ, கார்த்தி நடித்த சுல்தான் படங்களை இயக்கிய இயக்குனர் பாக்கியராஜ் கண்ணன் இயக்கும் ஒரு படத்தில் ஹீரோவாக மிரட்ட இருக்கிறார் எஸ்.ஜே. சூர்யா. பாக்யராஜ் கண்ணன், இயக்குனர் அட்லியிடம் உதவி இயக்குனராகப் பணியாற்றியவர். அவருடைய படங்களில் மேக்கிங் மிகத் தரமாக இருக்கும். எஸ்.ஜே. சூர்யா சமீபத்தில் வெளியான கடமையை செய், பொம்மை ஆகிய படங்களில் ஹீரோவாக நடித்திருந்தாலும் அவருடைய கதாபாத்திரம் பெரிதும் ரசிகர்களை கவரவில்லை. இந்நிலையில் பாக்யராஜ் கண்ணனுடைய இயக்கத்தில் எஸ் ஜே சூர்யா ஹீரோவாக நடிக்கும் படம் ஒரு ஹீரோவாக, நிச்சயம் அவருக்கு தரமான படமாக இருக்கும் என நம்பப்படுகிறது.