சசிகுமார், சூரி நடிப்பில் புதிய திரைப்படம் உருவாக உள்ளது. இதில் சூரி தான் கதாநாயகனாக நடிக்கிறார். அவருடன் இணைந்து சசிகுமார் முக்கிய கதாபாத்திரத்தில் நடிக்கிறார். இந்தப் படத்தை எதிர்நீச்சல், கொடி, காக்கி சட்டை உள்ளிட்ட படங்களை இயக்கிய செந்தில்குமார் இயக்குகிறார்.
லார்க் ஸ்டுடியோஸ் நிறுவனம் இதனை தயாரிக்கிறது. யுவன் சங்கர் ராஜா இதற்கு இசையமைக்கிறார். இந்த படத்திற்கு ‘கருடன்’ என்ற தலைப்பிடப்பட்டுள்ளது. இதில் சசிகுமார் மற்றும் சூரி உடன் இணைந்து மலையாள நடிகர் உன்னி முகுந்தன் நடிக்கிறார். வெற்றிமாறனின் கதையில் இப்படம் உருவாகிறது. இந்தப் படத்தின் படப்பிடிப்பு இன்று பூஜை உடன் தொடங்கியுள்ளது. விரைவில் இந்த படத்தின் ப்ரோமோ வெளியாக இருப்பதாகவும் கூறப்படுகிறது.
சசிகுமாரும் சூரியும் ஏற்கனவே பிரம்மன், சுந்தரபாண்டியன், கொம்பு வச்ச சிங்கம் டா உள்ளிட்ட படங்களில் நடித்திருந்தனர் என்பது குறிப்பிடத்தக்கது.