கடந்த 2021 ஆம் ஆண்டு சுகுமார் மற்றும் அல்லு அர்ஜுன் கூட்டணியில் புஷ்பா எனும் திரைப்படம் வெளியானது. இந்த படம் எப்படி இந்திய அளவில் பிரபலமாகியதோ அதேபோல் அந்தப் படத்தில் இடம் பெற்ற ‘ஊ சொல்றியா மாமா’ எனும் பாடலும் பட்டி தொட்டி எங்கும் ட்ரெண்டானது. 
சமந்தா இந்த பாடலுக்கு நடனமாடியிருந்த நிலையில் குட்டீஸ்கள் முதல் பெரியவர்கள் வரை இந்த பாடல் அனைவரையும் குத்தாட்டம் போட வைத்தது. எனவே தற்போது உருவாகி வரும் புஷ்பா 2 என்று சொல்லப்படும் புஷ்பா தி ரூல் திரைப்படத்தில் சமந்தாவிற்கு பதில் யார் நடனமாட போகிறார் என்று எதிர்பார்ப்பு ரசிகர்கள் மத்தியில் இருந்து வந்தது. அதன்படி சமீபத்தில் புஷ்பா 2 படத்தில் இடம்பெறும் ஸ்பெஷல் பாடலுக்கு நடிகை ஸ்ரீ லீலா நடனம் ஆடுகிறார் என்று அறிவிக்கப்பட்டது. அதற்கான படப்பிடிப்புகளும் தொடங்கப்பட்டு முடிவடைந்துள்ளது. ஏற்கனவே நடிகை ஸ்ரீ லீலா மகேஷ் பாபுவின் குண்டூர் காரம் படத்தில் இடம்பெற்ற ‘குர்ச்சி மடத்தப்பட்டி’ பாடலுக்கு செமயாக ஆட்டம் போட்டிருப்பார். எனவே புஷ்பா 2 படத்திலும் அவருடைய நடனத்தைக் காண ரசிகர்கள் பலரும் மிகுந்த ஆவலுடன் காத்துக் கொண்டிருக்கின்றனர். 
இந்நிலையில் புஷ்பா 2 பட பாடலுக்கு நடனமாடியிருக்கும் ஸ்ரீ லீலாவின் சம்பளம் குறித்த தகவல் வெளியாகியுள்ளது. அதன்படி ரூ. 2 கோடி அவருக்கு சம்பளம் வழங்கப்பட்டுள்ளதாம். ‘ஊ சொல்றியா மாமா’ பாடலுக்கு நடனமாடிய சமந்தாவிற்கு ரூ. 5 கோடி வழங்கப்பட்டது என்பது குறிப்பிடத்தக்கது.