ஸ்ரீகாந்த் நடிப்பில் உருவாகும் ஆபரேஷன் லைலா படத்தின் ரிலீஸ் தேதி அறிவிக்கப்பட்டுள்ளது.
நடிகர் ஸ்ரீகாந்த் தற்போது பல படங்களை கைவசம் வைத்துள்ளார். அந்த வகையில் ஸ்ரீகாந்த் நடிப்பில் உருவாகியுள்ள சத்தமின்றி முத்தம் தா எனும் திரைப்படம் வருகின்ற மார்ச் 1ஆம் தேதி வெளியாக இருக்கிறது.
இதற்கிடையில் ஸ்ரீகாந்த் வெங்கடேஷ் எழுதிய இயக்கியுள்ள ஆபரேஷன் லைலா எனும் திரைப்படத்தில் நடித்துள்ளார். இந்த படத்தில் இவருடன் இணைந்து சதிகா ஷர்மா, இமான் அண்ணாச்சி, வனிதா விஜயகுமார், வின்சென்ட் அசோகன் உள்ளிட்டோர் முக்கிய கதாபாத்திரங்களில் நடித்துள்ளனர். ஹாரர் திரில்லர் ஜானரில் இந்த படம் உருவாகியுள்ளது குறிப்பிடத்தக்கது. இந்த படத்தை செல்ரின் ப்ரொடக்ஷன் நிறுவனத்தின் சார்பில் செல்வம் பொன்னையன் தயாரித்துள்ளார். கேகே இந்த படத்திற்கு ஒளிப்பதிவு செய்துள்ள நிலையில் கார்த்திகா மகாதேவ் இதற்கு இசையமைத்துள்ளார். இந்த படத்தின் படப்பிடிப்புகள் முழுவதும் நிறைவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது.
அதே சமயம் சில தினங்களுக்கு முன்பாக படத்தின் டிரைலர் வெளியாகி நல்ல வரவேற்பை பெற்றது. அதைத் தொடர்ந்து படத்தின் பாடல்களையும் பட குழுவினர் வெளியிட்டு வருகின்றனர். இந்நிலையில் ஆபரேஷன் லைலா திரைப்படம் வருகின்ற பிப்ரவரி 23ஆம் தேதி உலகம் முழுவதும் வெளியாக இருப்பதாக அதிகாரப்பூர்வமாக அறிவிக்கப்பட்டுள்ளது.