அந்தப் படத்தில் மிஸ் செய்தது இந்த படத்தில் 10 மடங்கு இருக்கும்…. ‘குட் பேட் அக்லி’ குறித்து சுப்ரீம் சுந்தர்!

அஜித் நடிப்பில் குட் பேட் அக்லி எனும் திரைப்படம் உருவாகி வருகிறது. இந்த படம் அஜித்தின் 63 வது படமாகும். இந்த படத்தை மார்க் ஆண்டனி படம் இயக்குனர் ஆதிக் ரவிச்சந்திரன் இயக்குகிறார். மைத்ரி மூவி மேக்கர்ஸ் நிறுவனம் தயாரிக்க ஜிவி பிரகாஷ் இதற்கு இசையமைக்கிறார். இந்த படத்தில் அஜித் திரிஷா, பிரசன்னா, அர்ஜுன் தாஸ், சுனில் மற்றும் பலர் நடித்திருக்கின்றனர். ஏற்கனவே இந்த படத்தின் படப்பிடிப்புகள் முழுவதும் நிறைவடைந்த நிலையில் இந்த படம் 2025 ஏப்ரல் 10ஆம் தேதி திரைக்கு வரும் என அறிவிக்கப்பட்டுள்ளது. இதற்கிடையில் இந்த படத்தில் இருந்து அடுத்தடுத்த போஸ்டர்கள் வெளியாகி வருகின்றன. மேலும் வருகின்ற பிப்ரவரி 14 காதலர் தினத்தை முன்னிட்டு இந்த படத்தின் டீசர் வெளியாகும் என எதிர்பார்க்கப்படுகிறது. இந்நிலையில் இப்படம் குறித்த சில தகவல்களை சண்டை இயக்குனர் சுப்ரீம் சுந்தர் பகிர்ந்துள்ளார். அதன்படி அவர் கூறியதாவது, “விடாமுயற்சி திரைப்படம் அஜித்தின் படம் போல் இல்லை. மாஸ் காட்சிகள் எதுவும் இல்லை என ரசிகர்கள் வருத்தம் தெரிவித்து வருகின்றனர். இந்த படத்தில் ரசிகர்கள் எதையெல்லாம் மிஸ் செய்தார்களோ அதை விட 10 மடங்கு அதிகமான மாஸ் காட்சிகள் குட் பேட் அக்லி படத்தில் இருக்கும். நீங்கள் குட் பேட் அக்லி படத்திற்கு செல்லும்போது உங்களுக்கு விக்ஸ் மற்றும் ஹால்ஸ் தேவைப்படும். ஏனென்றால் படம் முழுக்க வாவ் மொமன்ஸ்ட்ஸாக இருக்கும். நீங்கள் கத்தி கத்தியே தொண்டை வலி வந்து விடும்” என்று தெரிவித்துள்ளார்.