சூர்யா நடிக்கும் புதிய படம் 600 கோடி பட்ஜெட்டில் உருவாக இருப்பதாக புதிய தகவல் வெளிவந்துள்ளது.
சூர்யா நடிப்பில் உருவாகியிருந்த கங்குவா திரைப்படம் கடந்த சில தினங்களுக்கு முன்னர் வெளியாகி ரசிகர்கள் மத்தியில் கலவையான விமர்சனங்களை பெற்று வருகிறது. இதைத்தொடர்ந்து நடிகர் சூர்யா, ஆர் ஜே பாலாஜி இயக்கத்தில் சூர்யா 45 திரைப்படத்தில் நடிக்க இருக்கிறார். இந்த படத்தின் படப்பிடிப்பு விரைவில் தொடங்க இருப்பதாக சொல்லப்படுகிறது . மேலும் வெற்றி மாறன் இயக்கத்தில் வாடிவாசல் எனும் திரைப்படத்தில் நடிப்பதற்கு கமிட் ஆகியுள்ளார் சூர்யா. இதற்கிடையில் இவர், பாலிவுட்டில் அறிமுகமாக உள்ளார் என கடந்த சில மாதங்களுக்கு முன்னரே தகவல் கசிந்தது. அதன்படி இவர், கர்ணா எனும் திரைப்படத்தில் நடிக்கப்போவதாகவும் இந்த படத்தினை ராகேஷ் ஓம் பிரகாஷ் இயக்கப் போவதாகவும் செய்திகள் வெளியானது.
மேலும் இது தொடர்பான பேச்சு வார்த்தை நடைபெற்று வருவதாகவும் இந்த படம் பான் இந்திய அளவில் வெளியாகும் எனவும் அடுத்தடுத்த அப்டேட்டுகள் சமூக வலைதளங்களில் வெளியாகி எதிர்பார்ப்பை ஏற்படுத்தியது. இந்நிலையில் இதன் கூடுதல் தகவல் என்னவென்றால், இந்த படமானது 600 கோடி பட்ஜெட்டில் உருவாக இருக்கிறதாம். இருப்பினும் இந்த படத்தின் படப்பிடிப்பு தற்போது தொடங்கப்படவில்லை எனவும் சூர்யாவின் மற்ற கமிட்மெண்ட்கள் முடிந்த பின்னர் இப்படம் தொடங்கும் எனவும் நம்பப்படுகிறது.