சிறுத்தை சிவா மற்றும் சூர்யா கூட்டணி மீண்டும் இணைய இருப்பதாகக் கூறப்படுகிறது.
நடிகர் சூர்யா தற்போது சிறுத்தை சிவா இயக்கத்தில் ‘கங்குவா‘ திரைப்படத்தில் நடித்து வருகிறார். இந்தப் படத்தில் சூர்யாவுடன் இணைந்து திஷா பதானி, கோவை சரளா, யோகி பாபு மற்றும் பலர் நடித்து வருகின்றனர்.
ஸ்டுடியோ கிரீன் நிறுவனத்தின் தயாரிப்பிலும் தேவி ஸ்ரீ பிரசாத் இசையிலும் இப்படம் உருவாகி வருகிறது. 300 கோடி ரூபாய் பட்ஜெட்டில் உருவாகி வரும் இந்த படம் 3D தொழில்நுட்பத்தில் தயாராகி வருகிறது. மேலும் இந்த படம் அடுத்த ஆண்டு இந்தியாவில் 10 மொழிகளில் வெளியாக இருப்பதாகவும் அறிவிக்கப்பட்டுள்ளது.
வரலாற்று சரித்திர படமாக உருவாகி வரும் இப்படத்திற்கு நாளுக்கு நாள் எதிர்பார்ப்பு அதிகரித்த வண்ணம் உள்ளது.
இந்தப் படத்தை அடுத்து சிறுத்தை சிவா மீண்டும் அஜித் உடன் கூட்டணி அமைக்கலாம் என்று கூறப்பட்டு வந்தது. இந்நிலையில் கங்குவா படத்தை அடுத்து சூர்யா மற்றும் சிறுத்தை சிவா கூட்டணி மீண்டும் புதிய படத்திற்காக கூட்டணி அமைக்க இருப்பதாகக் கூறப்படுகிறது.
அஜித் உடன் 4 படங்கள் தொடர்ந்து கூட்டணி அமைத்ததைப் போலவே சூர்யா உடனும் சிறுத்தை சிவா 4 படங்களில் பயணிப்பார் என்று தெரிகிறது.