தளபதி 69 படத்தின் இரண்டாம் கட்ட படப்பிடிப்பு தொடங்கப்பட்டுள்ளதாக தகவல் வெளியாகியுள்ளது.
நடிகர் விஜய் தற்போது தனது 69ஆவது திரைப்படத்தில் நடித்து வருகிறார். தற்காலிகமாக தளபதி 69 என்ற தலைப்பு வைக்கப்பட்டிருக்கும் இந்த படத்தினை ஹெச். வினோத் இயக்குகிறார். இதில் பூஜா ஹெக்டே, பிரகாஷ் ராஜ், கௌதம் வாசுதேவ் மேனன், பாபி தியோல், நரேன், பிரியாமணி, மமிதா பைஜூ உள்ளிட்டோர் முக்கிய கதாபாத்திரங்களில் நடிக்கின்றனர். கே வி என் ப்ரொடக்ஷன்ஸ் நிறுவனம் இந்த படத்தை தயாரிக்க அனிருத் இதற்கு இசையமைக்கிறார். சத்யன் சூரியன் இதன் ஒளிப்பதிவு பணிகளை கவனிக்கிறார். இந்தப் படம் அடுத்த ஆண்டு அக்டோபர் மாதத்தில் திரைக்கு கொண்டு வர படக்குழுவினரால் திட்டமிடப்பட்டுள்ளது. மேலும் மிகுந்த எதிர்பார்ப்புகளுடன் உருவாகும் இந்த படத்தின் படப்பிடிப்பு கடந்த சில தினங்களுக்கு முன்னர் தொடங்கப்பட்டு விறுவிறுப்பாக நடைபெற்று வந்தது.
அதன்படி ஏற்கனவே இதன் முதற்கட்ட படப்பிடிப்புகள் நிறைவடைந்த நிலையில் இன்று (நவம்பர் 4) இதன் இரண்டாம் கட்ட படப்பிடிப்பு சென்னையில் தொடங்கப்பட்டுள்ளதாக தற்போதைய தகவல்கள் தெரிவிக்கின்றன. அடுத்தது இந்த படமானது அரசியல் தொடர்பான க்ரைம் திரில்லர் கதைக்களத்தில் உருவாகி வருவதாகவும் புதிய அப்டேட் வெளிவந்துள்ளது. இனிவரும் நாட்களில் மற்ற அப்டேட்டுகள் வெளியாகும் என்று எதிர்பார்க்கப்படுகிறது.