‘தளபதி 69’ ரிலீஸ் தள்ளிப்போகிறதா?…. ஏமாற்றத்தில் ரசிகர்கள்!

நடிகர் விஜய் கடைசியாக வெங்கட் பிரபு இயக்கத்தில் தி கிரேட்டஸ்ட் ஆஃப் ஆல் டைம் எனும் திரைப்படத்தில் நடித்திருந்தார். அதைத்தொடர்ந்து ஹெச். வினோத் இயக்கத்தில் தனது 69ஆவது திரைப்படத்தில் நடித்து வருகிறார். தளபதி 69 என்று தற்காலிகமாக தலைப்பு வைக்கப்பட்டிருக்கும் இந்த படத்தினை கேவிஎன் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். இந்த படத்தில் விஜயுடன் இணைந்து பூஜா ஹெக்டே, மமிதா பைஜு, பாபி தியோல், பிரகாஷ்ராஜ், கௌதம் மேனன் மற்றும் பலர் நடித்து வருகின்றனர். இந்த படத்தின் படப்பிடிப்புகள் ஏற்கனவே தொடங்கப்பட்டு விறுவிறுப்பாக நடைபெற்று வருகிறது. மேலும் நடிகர் விஜய் தற்போது தனது அரசியல் பிரவேசத்தை தொடங்கி இருக்கும் நிலையில் தளபதி 69 படம் தான் தனது கடைசி படம் என ஏற்கனவே அறிவித்துவிட்டார். இதனால் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. இந்நிலையில் தளபதி 69 படத்தின் அறிவிப்பு வெளியாகும்போதே இப்படம் 2025 அக்டோபர் மாதத்தில் திரைக்கு வரும் என தெரிவிக்கப்பட்டிருந்தது. ஆனால் தற்போது கிடைத்த தகவலின் படி தளபதி 69 படம் 2026 பொங்கலுக்கு வெளியாகும் என சொல்லப்படுகிறது. ஏற்கனவே நடிகர் விஜய் சினிமாவில் இருந்து ஓய்வெடுப்பது ரசிகர்களுக்கு வருத்தத்தை தந்திருக்கும் நிலையில் தளபதி 69 படத்தின் ரிலீஸும் தள்ளிப்போகும் தகவலும் ஏமாற்றத்தை தந்துள்ளது. இது ஒரு பக்கம் இருக்க, மற்றொரு பக்கம் வருகின்ற ஜனவரி 26 குடியரசு தினத்தை முன்னிட்டு தளபதி 69 படத்தின் ஃபர்ஸ்ட் லுக் போஸ்டர் வெளியாகும் என்று எதிர்பார்க்கப்படுகிறது.