தளபதி 69 படத்தின் படப்பிடிப்பு இன்று பிரம்மாண்ட பாடல் காட்சியுடன் தொடங்குகிறது.
கோட் படத்தின் மாபெரும் வெற்றிக்கு பிறகு நடிகர் விஜய் தனது 69 ஆவது திரைப்படத்தில் நடிக்க இருக்கிறார். அரசியல்வாதியாக உருவெடுத்துள்ள விஜயின் கடைசி படம் என்பதால் மிகப்பெரிய எதிர்பார்ப்பு இருந்து வருகிறது. அதன்படி தளபதி 69 என்று தற்காலிகமாக தலைப்பு வைக்கப்பட்டுள்ள இந்த படம் தொடர்பான அறிவிப்பு போஸ்டர் கடந்த சில தினங்களுக்கு முன்னர் வெளியிடப்பட்டது. இந்த படத்தினை ஹெச். வினோத் இயக்க இருக்கும் நிலையில் கேவிஎன் ப்ரொடக்ஷன்ஸ் நிறுவனம் படத்தினை தயாரிக்கிறது. அனிருத் இந்த படத்திற்கு இசையமைக்கிறார். சத்யன் சூரியன் இதன் ஒளிப்பதிவு பணிகளை கவனிக்கிறார். இந்த படத்தில் விஜயுடன் இணைந்து பூஜா ஹெக்டே, பிரகாஷ்ராஜ், பாபி தியோல், பிரியாமணி, நரேன், மமிதா பைஜூ, கௌதம் வாசுதேவ் மேனன் உள்ளிட்ட பலரும் முக்கிய கதாபாத்திரங்களில் நடிக்கின்றனர். 
நேற்று (அக்டோபர் 4) இந்த படத்தின் பூஜை சிறப்பாக நடந்து முடிந்தது. அதைத் தொடர்ந்து இன்று (அக்டோபர் 5) இந்த படத்தின் படப்பிடிப்பு தொடங்குகிறது. அதாவது பிரம்மாண்டமான பாடல் காட்சியுடன் படப்பிடிப்பு தொடங்குவதாக சொல்லப்படுகிறது. மேலும் அந்த பாடலுக்கு சேகர் மாஸ்டர் நடன இயக்குனராக பணியாற்றுகிறார். சேகர் மாஸ்டர் ஏற்கனவே விஜய் நடிப்பில் வெளியான கோட் திரைப்படத்தில் மட்ட பாடலுக்கு நடன இயக்குனராக பணியாற்றியிருந்தார் என்பது குறிப்பிடத்தக்கது.