‘SK21’ படத்தின் டைட்டிலை முடிவு செய்த படக்குழு?…. வெளியான புதிய தகவல்!

நடிகர் சிவகார்த்திகேயன் நடிப்பில் கடைசியாக அயலான் திரைப்படம் வெளியானது. அதே சமயம் சிவகார்த்திகேயன் ரங்கூன் பட இயக்குனர் ராஜ்குமார் பெரியசாமி இயக்கத்தில் புதிய படம் ஒன்றில் நடித்து வருகிறார். தற்காலிகமாக SK21 என்று தலைப்பு வைக்கப்பட்டுள்ள இந்த புதிய படத்தில் சிவகார்த்திகேயனுக்கு ஜோடியாக சாய்பல்லவி நடிக்கிறார். இதில் வில்லனாக ராகுல் போஸ் நடிக்கிறார். இந்த படத்தை கமல்ஹாசனின் ராஜ் கமல் பிலிம்ஸ் இன்டர்நேஷனல் நிறுவனம் தயாரிக்கிறது. ஜிவி பிரகாஷ் இதற்கு இசை அமைக்கிறார். இந்த படம் ராணுவத்தின் பின்னணியில் உருவாகி வருகிறது. அதன்படி சிவகார்த்திகேயன் இந்த படத்தின் ராணுவ அதிகாரியாக நடிக்கிறார். படத்தின் படப்பிடிப்புகள் முழு வீச்சில் நடைபெற்று வருகிறது. விரைவில் படப்பிடிக்கும் முழுவதும் முடிவடையும் என்று எதிர்பார்க்கப்படுகிறது. இதற்கிடையில் படக்குழுவினர் வருகின்ற பிப்ரவரி 16ஆம் தேதி படத்தின் ஃபர்ஸ்ட் லுக் டீசரை வெளியிட இருப்பதாக அதிகாரப்பூர்வமாக அறிவித்துள்ளனர். இந்நிலையில் படத்தின் டைட்டில் சம்பந்தமான அப்டேட் வெளியாகியுள்ளது. ஏற்கனவே இந்த படத்திற்கு போர்க்களத்தில் சிங்கம் போன்ற ராணுவம் சம்பந்தமான டைட்டில் வைக்க வாய்ப்புள்ளதாக கூறப்பட்டது. அதன்படி இந்த படத்திற்கு சோல்ஜர் என்று தலைப்பு வைக்கப்பட்டுள்ளதாக நம்ப தகுந்த வட்டாரங்கள் தெரிவிக்கின்றன. எனினும் இதுதான் டைட்டிலா? என்பதை தெரிந்து கொள்ள டீசர் வெளியாகும் வரை காத்திருக்க வேண்டும்.