‘தி கோட்’ படத்தின் இரண்டாவது பாடல் ரிலீஸ் எப்போது?

நடிகர் விஜய் லியோ படத்தில் மாபெரும் வெற்றிக்கு பிறகு வெங்கட் பிரபு இயக்கி வரும் தி கிரேட்டஸ்ட் ஆஃப் ஆல் டைம் திரைப்படத்தில் நடித்து வருகிறார். இந்த படத்தை ஏஜிஎஸ் என்டர்டெயின்மென்ட் நிறுவனம் தயாரிக்க யுவன் சங்கர் ராஜா இதற்கு இசை அமைக்கிறார். இந்த படத்தில் விஜயுடன் இணைந்து சினேகா, லைலா, பிரசாந்த், பிரபுதேவா, மைக் மோகன், மீனாட்சி சௌத்ரி, அஜ்மல் ஆகியோர் நடிக்கின்றனர். இந்த படத்தின் படப்பிடிப்பு ஏற்கனவே தொடங்கப்பட்டு சென்னை, திருவனந்தபுரம், ரஷ்யா போன்ற பகுதிகளில் விறுவிறுப்பாக நடைபெற்று வருகிறது. இதில் நடிகர் விஜய் இரட்டை வேடங்களில் நடித்து வருகிறார். அதேசமயம் இந்த படம் டைம் டிராவல் சம்பந்தமான கதைகளத்தில் உருவாகி வருவதாகவும் சொல்லப்படுகிறது. இந்த படத்தை செப்டம்பர் 5 ஆம் தேதி வெளியிட படக் குழுவினர் திட்டமிட்டுள்ளனர். இதற்கிடையில் இந்த படத்தின் ஃபர்ஸ்ட் லுக் அதைத்தொடர்ந்து அடுத்தடுத்த போஸ்டர்களும் வெளியாகி ரசிகர்களின் கவனம் பெற்றன. சமீபத்தில் கூட படத்தின் விசில் போடு எனும் பாடல் வெளியாகி நல்ல வரவேற்பு பெற்றுள்ளது. இந்நிலையில் அடுத்ததாக படத்தின் செகண்ட் சிங்கிள் எப்போது வெளியாகும் என்று ரசிகர்கள் எதிர்பார்த்து காத்துக் கொண்டிருக்கின்றனர். அதன்படி இதன் இரண்டாவது பாடல் ஜூன் மாதம் வெளியாகும் என்று தகவல் கிடைத்துள்ளது. அனேகமாக ஜூன் 22 இல் விஜயின் பிறந்தநாளை முன்னிட்டு வெளியாகலாம் என்று நம்பப்படுகிறது. மேலும் இந்த படத்தில் நடிகை திரிஷா விஜய உடன் இணைந்து குத்து பாடல் ஒன்றில் நடனமாடியுள்ளார் என்பது குறிப்பிடத்தக்கது.