இளம் நடிகை யாஷிகா ஆனந்த் தயாரிப்பாளராக உருவெடுத்துள்ளார்.
நடிகை யாஷிகா ஆனந்த், வளர்ந்து வரும் இளம் நடிகைகளில் ஒருவர் ஆவார். இவர் கடந்த 2016 ஆம் ஆண்டு ஜீவா நடிப்பில் வெளியான கவலை வேண்டாம் என்ற திரைப்படத்தின் மூலம் நடிகையாக தமிழ் சினிமாவில் அறிமுகமானவர். அதைத் தொடர்ந்து துருவங்கள் பதினாறு, இருட்டு அறையில் முரட்டு குத்து உள்ளிட்ட பல படங்களில் நடித்துள்ளார். சமீபத்தில் வெளியான ஓடவும் முடியாது ஒழியவும் முடியாது, சைத்ரா உள்ளிட்ட படங்களில் முக்கிய கதாபாத்திரத்தில் நடித்திருந்தார். இதற்கிடையில் பிக் பாஸ் நிகழ்ச்சியில் கலந்து கொண்டதன் மூலம் ரசிகர்கள் மத்தியில் பிரபலமடைந்தார். 
அதேசமயம் இவர் கவர்ச்சியாக நடிப்பதிலும் ஆர்வம் காட்டி வருபவர். அதன்படி தனது சமூக வலைதள பக்கத்தில் கவர்ச்சியான புகைப்படங்களை தொடர்ந்து வெளியிட்டு வருகிறார். இந்நிலையில் யாஷிகா ஆனந்த், தயாரிப்பாளராக உருவெடுத்துள்ளார். இது தொடர்பாக பலரும் யாஷிகாவிற்கு தங்களின் வாழ்த்துக்களை தெரிவித்து வருகின்றனர். மேலும் யாஷிகா ஆனந்த் தயாரிக்கும் புதிய படத்தின் பர்ஸ்ட் லுக் போஸ்டரை எஸ் ஜே சூர்யா இருப்பதாக அறிவிப்பு வெளியாகி உள்ளது. நடிகையாக இருந்து தயாரிப்பாளராக மாறியுள்ள யாஷிகாவிற்கு எஸ்.ஜே. சூர்யா உதவ முன்வந்துள்ள தகவல் பலரின் பாராட்டுகளை பெற்று வருகிறது. மேலும் யாஷிகா தயாரிக்கும் இந்த புதிய படத்தை வெங்கட் என்பவர் எழுதி இயக்குகிறார் என்பது குறிப்பிடத்தக்கது.