‘இட்லி கடை’ படத்தை தொடர்ந்து தனுஷின் அடுத்த படம் இது தான்!

நடிகர் தனுஷ் தமிழ் சினிமாவில் நடிகராக மட்டுமல்லாமல் இயக்குனராகவும், தயாரிப்பாளராகவும், பாடகராகவும், பாடல் ஆசிரியராகவும் வலம் வருகிறார். இவரது நடிப்பிலும் இயக்கத்திலும் கடைசியாக ராயன் திரைப்படம் வெளியாகி நல்ல வரவேற்பை பெற்றது. அடுத்ததாக இவர் குபேரா போன்ற படங்களை கைவசம் வைத்திருக்கும் நிலையில் தற்போது இட்லி கடை எனும் திரைப்படத்தையும் தானே இயக்கி நடித்து வருகிறார். இந்த படத்தின் படப்பிடிப்பு தேனி, பொள்ளாச்சி போன்ற பகுதிகளில் விறுவிறுப்பாக நடைபெற்று வருகிறது. இந்த படத்தில் தனுஷ் உடன் இணைந்து அருண் விஜய், நித்யா மேனன், ராஜ்கிரண் சத்யராஜ் உள்ளிட்ட பலரும் முக்கிய கதாபாத்திரங்களில் நடித்து வருகின்றனர். இதற்கிடையில் தனுஷ், ஆனந்த் எல் ராய், மாரி செல்வராஜ், ஹெச். வினோத் ஆகியோரின் இயக்கத்தில் அடுத்தடுத்த படங்களில் நடிக்க உள்ளார். இவ்வாறு ஏகப்பட்ட படங்களில் கமிட் ஆகி இருக்கும் தனுஷ் அதன்படி இட்லி கடை படத்தை தொடர்ந்து இட்லி கடை படத்தை தொடர்ந்து நடிகர் தனுஷ் என்ன படம் நடிக்க போகிறார்? என்ற எதிர்பார்ப்பு இருந்து வருகிறது. இந்நிலையில் தனுஷ் நடிக்க உள்ள புதிய படம் குறித்த தகவல் வெளியாகியிருக்கிறது. அதாவது கடந்த சில மாதங்களுக்கு முன்னர் நடிகர் தனுஷ், போர் தொழில் பட இயக்குனர் விக்னேஷ் ராஜாவுடன் கூட்டணி அமைக்கப் போவதாக செய்திகள் வெளியானது. அதன்படி விக்னேஷ் ராஜா இயக்கத்தில் தனது அடுத்த படத்தில் நடிக்க உள்ளாராம் தனுஷ். எனவே இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.