இன்று சென்னையில் தொடங்கும் ‘தக் லைஃப்’ படத்தின் அடுத்த கட்ட படப்பிடிப்பு!

பல வருடங்களுக்குப் பிறகு மணிரத்,னம் கமல்ஹாசன் கூட்டணியில் உருவாகி வரும் திரைப்படம் தான் தக் லைஃப். இந்த படத்தில் கமல்ஹாசன், திரிஷா, சிம்பு, அசோக் செல்வன், கௌதம் கார்த்திக், நாசர், அபிராமி உள்ளிட்ட பலர் முக்கிய கதாபாத்திரங்களில் நடிக்கின்றனர். படத்தை ராஜ்கமல் பிலிம்ஸ் இன்டர்நேஷனல் நிறுவனம் தயாரிக்க ஏ ஆர் ரகுமான் படத்திற்கு இசையமைக்கிறார். இந்த படமானது ஆக்சன் நிறைந்த கதை களத்தில் கேங்ஸ்டர் படமாக உருவாகிறது. இந்த படத்தில் கமல்ஹாசனுக்கு மகனாக நடிகர் சிம்பு நடிக்கிறார். கமல், மணிரத்னம் என்ற உடனேயே இந்த படத்தின் நீதானே எதிர்பார்ப்பு மிகப்பெரிய அளவில் இருந்து வந்த நிலையில் நடிகர் சிம்பு இந்த படத்தில் இணைந்திருப்பதும் படத்தின் எதிர்பார்ப்பிற்கு மற்றொரு காரணமாக அமைந்திருக்கிறது. இந்த படத்தின் படப்பிடிப்பு கடந்த சில மாதங்களுக்கு முன்பாக தொடங்கப்பட்டு பாண்டிச்சேரி, ராஜஸ்தான், ஐதராபாத் போன்ற பகுதிகளில் பல கட்டங்களாக நடைபெற்று வருகிறது. அதேசமயம் கமல் மற்றும் சிம்புவாகிய இருவரும் பாதி படம் வரையிலான டப்பிங் பணிகளையும் முடித்துவிட்டனர். எனவே இந்த படம் இந்த ஆண்டு இறுதிக்குள் திரைக்கு வர முழு வீச்சில் தயாராகி வருகிறது. இந்நிலையில் இந்த படத்தின் அடுத்த கட்ட படப்பிடிப்பு (இன்று) ஆகஸ்ட் 14 சென்னையில் தொடங்கி செப்டம்பர் மாதம் இரண்டாவது வாரம் வரை நடைபெற இருக்கிறது என புதிய தகவல்கள் வெளிவந்துள்ளன. மேலும் படம் தொடர்பான அடுத்தடுத்து அப்டேட்கள் இனிவரும் நாட்களில் வெளியாகும் என்று எதிர்பார்க்கப்படுகிறது.