கமல்ஹாசன் பிறந்த நாளை முன்னிட்டு தக் லைஃப் படத்தின் புதிய அப்டேட் வெளியாக இருக்கிறது.
நடிகர் கமல்ஹாசன் கடைசியாக இந்தியன் 2 திரைப்படத்தில் நடித்திருந்தார். சங்கர் இயக்கியிருந்த இந்த படம் எதிர்பார்த்த வெற்றியை பெறவில்லை. அதே சமயம் நடிகர் கமல்ஹாசன், தக் லைஃப் எனும் திரைப்படத்தில் நடித்திருக்கிறார். இந்த படத்தினை மணிரத்னம் இயக்க கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரிக்கிறது. கடந்த 1987 ஆம் ஆண்டு வெளியான நாயகன் படத்தின் பிரம்மாண்ட வெற்றிக்கு பிறகு கமல்ஹாசன், மணிரத்னம் கூட்டணி இத்தனை வருடங்கள் கழித்து மீண்டும் இணைந்துள்ளதால் தக் லைஃப் படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதேசமயம் ஏ ஆர் ரகுமான் இந்த படத்திற்கு இசையமைப்பதும் படத்தின் எதிர்பார்ப்பிற்கு மற்றுமொரு காரணமாகும். அடுத்தது இந்த படத்தில் கமல்ஹாசன் உடன் இணைந்து சிம்பு, திரிஷா உள்ளிட்ட பல பிரபலங்கள் நடிக்கின்றனர். இந்த படத்தின் படப்பிடிப்பு ஏற்கனவே தொடங்கப்பட்டு ஏறத்தாழ நிறைவடைந்துள்ளது. 
இன்னும் சிம்பு மற்றும் திரிஷா ஆகிய இருவருக்குமான பாடல் காட்சி ஒன்று மட்டும் படமாக்கப்பட இருப்பதாக சொல்லப்படுகிறது. இந்நிலையில் படக்குழுவினர் புதிய போஸ்டர் ஒன்றை வெளியிட்டு வருகின்ற நவம்பர் 7 கமல்ஹாசனின் பிறந்தநாளை முன்னிட்டு புதிய அப்டேட் வெளியாகும் என அதிகாரப்பூர்வமாக அறிவித்துள்ளனர். இந்த தகவல் ரசிகர்களுக்கு இன்ப அதிர்ச்சியை தந்துள்ளது.