போகுமிடம் வெகு தூரமில்லை பட குழுவினர் அமரர் ஊர்தி மற்றும் ஆம்புலன்ஸ் ஓட்டுநர்களுக்கு டிக்கெட் இலவசம் என்று அறிவித்துள்ளனர்.
விமல் நடிப்பில் உருவாகியுள்ள திரைப்படம் தான் போகுமிடம் வெகு தூரமில்லை. விமல் இந்த படத்தில் அமரர் ஊர்தி ஓட்டுனராக நடித்துள்ளார். இந்த படத்தில் விமலுடன் இணைந்து நடிகர் கருணாஸ் முக்கிய கதாபாத்திரத்தில் நடித்திருக்கிறார். மேலும் இவர்களுடன் இணைந்து தீபா சங்கர், ஆடுகளம் நரேன் ஆகியோரும் நடித்துள்ளனர். இதனை மைக்கேல் கே ராஜா இயக்கியிருக்கிறார். ஷாக் 9 பிக்சர்ஸ் நிறுவனம் இந்த படத்தை தயாரித்திருக்கிறது. ரகுநந்தன் இந்த படத்திற்கு இசையமைக்க டிமல் சேவியர் எட்வர்ட்ஸ் இதன் ஒளிப்பதிவு பணிகளை கவனித்துள்ளார். வித்தியாசமான கதைக்களத்தில் உருவாகி இருக்கும் இந்த படத்தின் டிரைலர் கடந்த சில தினங்களுக்கு முன்பாக வெளியாகி ஏகோபித்த வரவேற்பை பெற்றுள்ளது.
மேலும் இப்படமானது நாளை (ஆகஸ்ட் 23) திரைக்கு வர முழு வீச்சில் தயாராகி வருகிறது. இந்நிலையில் படக்குழுவினர் அமரர் ஊர்தி மற்றும் ஆம்புலன்ஸ் டிரைவர்களுக்கு முதல் நாள் டிக்கெட் இலவசம் என போஸ்டர் ஒன்றை வெளியிட்டு அறிவித்துள்ளனர். மேலும் அந்த போஸ்டரில் அமரர் ஊர்தி, ஆம்புலன்ஸ் ஓட்டுனர்கள் அனைவரும் ஐடி கார்டின் போட்டோவை 9884849790 என்ற வாட்ஸ்அப் நம்பருக்கு அனுப்பி போகுமிடம் வெகு தூரமில்லை படத்தின் டிக்கெட்டை இலவசமாக பெற்றுக் கொள்ளுமாறு தெரிவித்துள்ளனர்.