‘தக் லைஃப்’ படத்தில் இணைந்த இரு பிரபலங்கள்…. அதிகாரப்பூர்வமாக அறிவித்த படக்குழு!

கடந்த 1987 ஆம் ஆண்டு மணிரத்னம் இயக்கத்தில் கமல்ஹாசன் நடித்து வெளியான படம் நாயகன். இந்த படம் ரசிகர்கள் மத்தியில் ஏகோபித்த வரவேற்பை பெற்று மிகப்பெரிய வெற்றி படமாக அமைந்தது. எனவே அதைத்தொடர்ந்து கிட்டத்தட்ட 36 வருடங்கள் கழித்து மணிரத்னம், கமல்ஹாசன் கூட்டணி மீண்டும் ஒரு புதிய படத்தில் இணைந்துள்ளது. இந்த படத்திற்கு தக் லைஃப் என்று தலைப்பு வைக்கப்பட்டுள்ள நிலையில் இந்த படத்தில் கமல்ஹாசன் உடன் இணைந்து சிம்பு, திரிஷா, அசோக் செல்வன், கௌதம் கார்த்திக் உள்ளிட்ட பலரும் முக்கிய கதாபாத்திரங்களில் நடிக்கின்றனர். மேலும் இவர்களுடன் இணைந்து ஜோஜு ஜார்ஜ், ஐஸ்வர்யா லக்ஷ்மி ஆகியோரும் நடிக்கின்றனர். இந்தப் படத்தை கமல்ஹாசனின் ராஜ்கமல் ஃபிலிம்ஸ் இன்டர்நேஷனல் நிறுவனம் தயாரிக்க ஏ ஆர் ரகுமான் படத்திற்கு இசையமைக்கிறார். ஏற்கனவே இந்த படத்தின் படப்பிடிப்புகள் தொடங்கப்பட்டு ராஜஸ்தான், புதுச்சேரி போன்ற பகுதிகளில் இந்த தீவிரமாக நடைபெற்று வருகிறது. அதே சமயம் டப்பிங் பணிகளும் தொடங்கப்பட்டு விறுவிறுப்பாக நடைபெற்று வருகின்றன.

Excited to welcome #Nasser and @abhiramiact to the stellar #ThugLife family. #Ulaganayagan #KamalHaasan #SilambarasanTR@ikamalhaasan #ManiRatnam @SilambarasanTR_ @arrahman #Mahendran @bagapath pic.twitter.com/PwzKksq1Mf

— Raaj Kamal Films International (@RKFI) July 30, 2024

படப்பிடிப்பானது 2024 செப்டம்பர் மாதத்திற்குள் நிறைவடைந்து விடும் எனவும் இந்த ஆண்டு இறுதிக்குள் படம் ரிலீஸ் செய்யப்பட வாய்ப்புள்ளதாகவும் சொல்லப்படுகிறது. இந்நிலையில் தக் லைஃப் படத்தில் நாசர் மற்றும் அபிராமி ஆகியோர் இணைந்துள்ளதாக பட குழுவினர் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.

மேலும் நடிகர் நாசர் ஏற்கனவே கமல்ஹாசன் உடன் இணைந்து குருதிப்புனல் போன்ற படங்களில் நடித்துள்ளார். அதேபோல் நடிகை அபிராமியும் கமல்ஹாசன் உடன் நனைந்து விருமாண்டி திரைப்படத்தில் நடித்துள்ளார் என்பது குறிப்பிடத்தக்கது.