நடிகை வரலட்சுமி சரத்குமார், விக்னேஷ் சிவன் இயக்கத்தில் வெளியான போடா போடி என்ற திரைப்படத்தின் மூலம் திரைத்துறையில் அறிமுகமானார். அதைத்தொடர்ந்து பல படங்களில் ஹீரோயினாகவும், வில்லியாகவும் நடித்திருக்கிறார். 
கடைசியாக இவர் தனுஷின் நடிப்பில் வெளியான ராயன் திரைப்படத்தில் நடித்திருந்தார். அதன் பிறகு மும்பையைச் சேர்ந்த தொழிலதிபர் நிக்கோலாய் சச்தேவை காதலிக்க திருமணம் செய்து கொண்டார் வரலட்சுமி சரத்குமார். இந்நிலையில் இவர் திருமணத்திற்கு பிறகு மீண்டும் நடிக்க தொடங்கியுள்ளதாக தகவல் வெளியாகியிருக்கிறது. அதன்படி இவர், விஜயுடன் இணைந்து தளபதி 69 திரைப்படத்தில் முக்கிய கதாபாத்திரத்தில் நடிக்கிறாராம். விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. மேலும் நடிகை வரலட்சுமி சரத்குமார் விஜயுடன் இணைந்து ஏற்கனவே சர்க்கார் எனும் திரைப்படத்தில் நடித்திருந்தார் என்பது குறிப்பிடத்தக்கது.
விஜய் நடிக்கும் தளபதி 69 படத்தினை ஹெச். வினோத் இயக்க கே வி என் ப்ரொடக்ஷன்ஸ் நிறுவனம் தயாரிக்கிறது. அனிருத் இதற்கு இசையமைக்கிறார். இந்த படத்தில் விஜயுடன் இணைந்து பூஜா ஹெக்டே, கௌதம் வாசுதேவ் மேனன், மமிதா பைஜூ, நரேன், பிரகாஷ்ராஜ், பாபி தியோல் ஆகியோர் முக்கிய கதாபாத்திரங்களில் நடிக்கின்றனர். இந்த படத்தின் படப்பிடிப்பை ஏற்கனவே தொடங்கப்பட்ட தற்போது விறுவிறுப்பாக நடைபெற்று வருகிறது. அடுத்தது இந்த படம் அடுத்த ஆண்டு அக்டோபர் மாதத்தில் திரைக்கு கொண்டுவர திட்டமிடப்பட்டு வருகிறது என்பது குறிப்பிடத்தக்கது.