வீர தீர சூரன் பாகம் 2 படத்தின் முதல் பாடல் இன்று மாலை வெளியாகும் என படக்குழு அறிவித்துள்ளது.
விக்ரம் நடிப்பில் உருவாகி வரும் திரைப்படம் தான் வீர தீர சூரன் பாகம் 2. இந்த படத்தினை பண்ணையாரும் பத்மினியும், சேதுபதி, சித்தா ஆகிய படங்களின் மூலம் ரசிகர்கள் மனதை வென்ற அருண்குமார் இயக்கியிருக்கிறார். இந்த படம் விக்ரமின் 62 ஆவது படமாகும். இந்த படத்தில் விக்ரமுக்கு ஜோடியாக துஷாரா விஜயன் நடித்திருக்கிறார். மேலும் இவர்களுடன் இணைந்து எஸ் ஜே சூர்யா, சித்திக், சுராஜ் வெஞ்சரமூடு மற்றும் பலர் நடித்து இருக்கின்றனர். கிராமத்துக் கதைக்களத்தில் ஆக்சன் படமாக தயாராகி வரும் இந்த படத்தின் படப்பிடிப்புகள் ஏற்கனவே நிறைவடைந்து படமானது ரிலீஸுக்கு தயாராகி வருகிறது. அதன்படி அடுத்தடுத்த போஸ்டர்களும் வெளியாகி ரசிகர்களை வெகுவாக கவர்ந்து வருகின்றன. அதே சமயம் இந்த படத்தின் டீசரும் வெளியகி எதிர்பார்ப்பை அதிகப்படுத்தியது.
இந்நிலையில் இந்த படத்திலிருந்து கல்லூரும் எனும் முதல் பாடல் இன்று (ஜனவரி 11) வெளியாகும் என நேற்று அறிவிக்கப்பட்டது. தற்போது புதிய போஸ்டர் ஒன்றை வெளியிட்டு இப்பாடல் இன்று மாலை 6 மணி அளவில் வெளியாகும் என தெரிவித்துள்ளனர். அடுத்தது இந்த படமானது இந்த மாத இறுதியில் திரைக்கு வரும் என எதிர்பார்க்கப்படுகிறது. இந்த படத்தை ஹெச்.ஆர். பிக்சர்ஸ் நிறுவனம் தயாரிக்க ஜிவி பிரகாஷ் இதற்கு இசையமைக்கிறார் என்பது குறிப்பிடத்தக்கது.