லியோ வெளியானது…. அடுத்த படத்தை தொடங்கினார் வெங்கட்பிரபு…

இயக்குநர் லோகேஷ் கனகராஜ் இயக்கத்தில் நடிகர் விஜய் நடித்துள்ள திரைப்படம் லியோ. இந்த திரைப்படத்தில் நடிகர் அர்ஜுன், த்ரிஷா, சஞ்சய் தத் மற்றும் திரைப்பட இயக்குநர்கள் மிக்ஷின், கௌதம் வாசுதேவ் மேனன் உள்ளிட்ட பலர் முக்கிய கதாபாத்திரங்களில் நடித்துள்ளனர். படத்திற்கு அனிருத் இசை அமைத்துள்ளார். செவன் ஸ்க்ரீன் ஸ்டூடியோ படத்தை தயாரித்துள்ளது.

பெரும் எதிர்பார்ப்புகளுக்கு மத்தியில் இத்திரைப்படம் நேற்று உலகம் முழுவதும் வெளியானது. ரசிகர்கள் மட்டுமன்றி படத்தின் இசை அமைப்பாளர் அனிருத், இயக்குநர் லோகேஷ், நடிகை கீர்த்தி சுரேஷ் மற்றும் ஐஸ்வர்யா லட்சுமி ஆகியோரும் படத்தை பார்க்க சென்னை வெற்றி திரையரங்கிற்கு சென்று படம் பார்த்தனர். முதல் நாளில் மட்டும் 120 கோடி ரூபாய்க்கு மேல் லியோ வசூல் ஈட்டியுள்ளதாகவும் கூறப்படுகிறது.

இந்நிலையில், லியோ படத்தைத் தொடர்ந்து வெங்கட் பிரபு இயக்கத்தில் விஜய் நடிக்கும் 68-வது படத்தின் பணிகள் தொடங்கி இருக்கின்றன. கல்பாத்தி எஸ்.அகோரம் இப்படத்தை தயாரிக்கிறது. படத்திற்கு யுவன் சங்கர் ராஜா இசை அமைக்கிறார். லியோ திரைப்படம் வெளியாகி வரவேற்பை பெற்று வரும் நிலையில், 68-வது படத்தை தொடங்கலாமா என்று வெங்கட் பிரபு சமூக வலைதளத்தில் பதிவிட்டுள்ளார். இதனால், விஜய் ரசிகர்கள் உற்சாகம் அடைந்துள்ளனர்.