வேட்டையன் படத்தில் இருந்து மஞ்சு வாரியர் கதாபாத்திர அறிமுக போஸ்டர் வெளியாகி உள்ளது.
சூப்பர் ஸ்டார் ரஜினிகாந்த் நடிப்பில் உருவாகி இருக்கும் திரைப்படம் தான் வேட்டையன். இந்த படம் வருகின்ற அக்டோபர் 10ஆம் தேதி உலகம் முழுவதும் தமிழ், தெலுங்கு, மலையாளம், இந்தி, கன்னடம் உள்ளிட்ட மொழிகளில் திரைக்கு வர இருக்கிறது. இந்த படத்தினை ஜெய் பீம் பட இயக்குனர் டிஜே ஞானவேல் இயக்கியிருக்கிறார். லைக்கா நிறுவனத்தின் சார்பில் சுபாஸ்கரன் இப்படத்தினை தயாரித்துள்ளார். அனிருத் இந்த படத்திற்கு இசையமைத்திருக்கிறார். படத்தில் ரஜினிக்கு ஜோடியாக மஞ்சு வாரியர் நடித்துள்ளார். 
மேலும் அமிதாப் பச்சன், பகத் பாசில், ராணா டகுபதி, ரித்திகா சிங், துஷாரா விஜயன், ரக்சன் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தின் படப்பிடிப்பு முழுவதும் நிறைவடைந்து தற்போது பின்னணி வேலைகள் விறுவிறுப்பாக நடைபெற்று வருகிறது. அதே சமயம் வருகின்ற செப்டம்பர் 20ஆம் தேதி இதன் இசை வெளியீட்டு விழா சென்னை நேரு அரங்கில் மிக பிரம்மாண்டமாக நடைபெற இருக்கிறது. இந்நிலையில் படத்தில் நடித்துள்ள ஒவ்வொருவரின் கதாபாத்திர அறிமுக போஸ்டரை பட குழுவினர் வெளியிட்டு வருகின்றனர்.
Meet the heart and soul of VETTAIYAN 🕶️ Introducing @ManjuWarrier4 as THARA 🌟 A pillar of strength and elegance. ✨#Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan @anirudhofficial @LycaProductions #Subaskaran… pic.twitter.com/aZ0pl9mDcb
— Lyca Productions (@LycaProductions) September 17, 2024
அந்த வகையில் ரித்திகா சிங், துஷாரா விஜயன் ஆகியோர்களின் கதாபாத்திர அறிமுக போஸ்டர்கள் ஏற்கனவே வெளியானது. அதை தொடர்ந்து தற்போது மஞ்சு வாரியரின் கதாபாத்திர அறிமுக போஸ்டர் வெளியாகி உள்ளது. ஏற்கனவே வெளியான தகவலின் படி ரஜினிக்கு மனைவியாக மஞ்சு வாரியர் நடித்திருக்கிறார். அத்துடன் இவர் தாரா என்ற கதாபாத்திரத்தில் நடித்துள்ளார் என்பது குறிப்பிடத்தக்கது.