அஜித் நடிப்பில் உருவாகி வரும் திரைப்படம் தான் விடாமுயற்சி. இந்த படம் அஜித்தின் 62 வது படமாகும். இதனை மீகாமன், தடையறத் தாக்க, தடம் உள்ளிட்ட படங்களை இயக்கிய மகிழ் திருமேனி இயக்கி வருகிறார். இந்த படத்தினை லைக்கா நிறுவனம் தயாரிக்க அனிருத் இதற்கு இசை அமைக்கிறார். 
இதில் அஜித்துக்கு ஜோடியாக திரிஷா நடித்திருக்கிறார். மேலும் அர்ஜுன், ரெஜினா, ஆரவ் உள்ளிட்டோரும் நடித்திருக்கின்றனர். இந்த படத்தின் படப்பிடிப்பு கடந்த சில மாதங்களுக்கு முன்னர் தொடங்கப்பட்டு அஜர்பைஜான் ஐதராபாத் போன்ற பகுதிகளில் விறுவிறுப்பாக நடைபெற்று வந்தது. அதன் பின்னர் இந்த படத்தின் படப்பிடிப்பு கிட்டத்தட்ட நிறைவடைந்ததாக சொல்லப்படும் நிலையில் பாடல் காட்சி ஒன்று மட்டும் இன்னும் படமாக்கப்பட இருப்பதாக தகவல்கள் வெளியாகி வருகின்றன. இதற்கிடையில் இந்த படமானது அடுத்த ஆண்டு பொங்கல் தினத்தை முன்னிட்டு திரைக்கு வரும் என்று தொடர்ந்து பல தகவல்கள் சமூக வலைதளங்களில் பரவி வருகிறது. இருப்பினும் பட குழுவினர் சார்பில் எந்தவித அதிகாரப்பூர்வ அறிவிப்பும் இதுவரை வெளியாகவில்லை. இது ஒரு பக்கம் இருக்க துணிவு திரைப்படம் வெளியாகி ஓராண்டுக்கு மேலாகிவிட்டதால் ரசிகர்களும் அஜித்தின் அடுத்த படத்திற்காக காத்துக் கொண்டிருக்கின்றனர்.
VIDAAMUYARCHI dubbing 🎙️ began with a pooja ceremony today! 🙏🏻✨#VidaaMuyarchi #EffortsNeverFail#AjithKumar #MagizhThirumeni @LycaProductions #Subaskaran @gkmtamilkumaran @trishtrashers @akarjunofficial @anirudhofficial @Aravoffl @ReginaCassandra #NikhilNair @omdop… pic.twitter.com/6dTv91vKCe
— Lyca Productions (@LycaProductions) October 28, 2024
இந்நிலையில் விடாமுயற்சி படத்தின் டீசர் தீபாவளி தினத்தை முன்னிட்டு வெளியாகும் என சமீப காலமாக செய்திகள் வெளிவந்து கொண்டிருக்கின்றன. மேலும் இந்த படத்தின் டப்பிங் பணிகள் இன்று (அக்டோபர் 28) பூஜையுடன் தொடங்கப்பட்டுள்ளதாகவும் புதிய அப்டேட் கிடைத்துள்ளது. இந்நிலையில் இதனை படக்குழு சில புகைப்படங்களை வெளியிட்டு அதிகாரப்பூர்வமாக அறிவித்துள்ளது.