விடாமுயற்சி படத்தின் படப்பிடிப்பு முழுவதும் நிறைவடைந்துள்ளது.
நடிகர் அஜித் கடைசியாக துணிவு திரைப்படத்தில் நடித்திருந்த நிலையில் அதை தொடர்ந்து விடாமுயற்சி எனும் திரைப்படத்தில் கமிட்டானார். இந்த படத்தினை மீகாமன், தடையறத் தாக்க, தடம் ஆகிய படங்களை இயக்கிய மகிழ் திருமேனி இயக்க லைக்கா நிறுவனம் இந்த படத்தை தயாரிக்கிறது. அனிருத் இந்த படத்திற்கு இசையமைக்கிறார். ஓம் பிரகாஷ் இந்த படத்தில் ஒளிப்பதிவு பணிகளை கவனிக்கிறார். ஆக்சன் கலந்த கதைக்களத்தில் உருவாகும் இந்த படத்தில் அஜித்துடன் இணைந்து திரிஷா, அர்ஜுன், ஆரவ், ரெஜினா ஆகியோர் முக்கிய கதாபாத்திரங்களில் நடித்திருக்கின்றனர். இந்த படமானது அடுத்த ஆண்டு பொங்கல் தினத்தை முன்னிட்டு திரைக்கு வரும் முழு வீச்சில் தயாராகி வருகிறது. அதன்படி இந்த படம் 2025 ஜனவரி 9 அல்லது 10ஆம் தேதி எத்தரைக்கு வரும் என எதிர்பார்க்கப்படுகிறது. 
மேலும் ஏற்கனவே இந்த படத்தின் படப்பிடிப்புகள் 90 சதவீதம் நிறைவடைந்த நிலையில் சமீபத்தில் மீண்டும் பாங்காக் பகுதியில் தொடங்கப்பட்டது. தற்போது படப்பிடிப்புகள் முழுவதும் நிறைவடைந்துள்ளதாக படக்குழு அதிகாரப்பூர்வமாக அறிவித்துள்ளது. இதற்கிடையில் இந்த படத்தில் இருந்து டீசர் அடுத்தடுத்த போஸ்டர்களும் புகைப்படங்களும் வெளியாகி ரசிகர்களை உற்சாகப்படுத்தியது. அடுத்தது ரசிகர்கள் பலரும் இந்த படத்தின் முதல் பாடல் எப்போது வெளியாகும் என்று எதிர்பார்த்து காத்துக் கொண்டிருக்கின்றனர்
என்பது குறிப்பிடத்தக்கது.