மீண்டும் அஜர்பைஜான் பறக்கும் விடாமுயற்சி குழு…. டிசம்பர் 4-ல் அடுத்த கட்ட படப்பிடிப்பு…

துணிவு படத்திற்கு பிறகு அஜித் தனது 62 வது படமான விடாமுயற்சி படத்தில் நடிக்க இருக்கிறார்.அஜித்தின் 62 ஆவது படத்தை விக்னேஷ் சிவன் இருப்பதாக கூறப்பட்டது. ஆனால் ஒரு சில காரணங்களால் விடாமுயற்சி திரைப்படத்தை தடையறத் தாக்க, தடம், கழகத் தலைவன் உள்ளிட்ட படங்களை இயக்கிய மகிழ் திருமேனி இயக்க உள்ளார். லைக்கா நிறுவனம் இதனை தயாரிக்க அனிருத் இசையமைக்க இருக்கிறார். இது சம்பந்தமான அறிவிப்பு மற்றும் மோஷன் போஸ்டரை பட குழுவினர் ஏற்கனவே வெளியிட்டு இருந்தனர். ஆனால் படப்பிடிப்பு தொடங்குவதில் தாமதம் ஏற்பட்டது. இந்நிலையில் ரசிகர்களின் மிகுந்த எதிர்பார்ப்புகளுக்கு மத்தியில் விடாமுயற்சி படப்பிடிப்பு தொடங்கியுள்ளது.

இதற்காக, விடாமுயற்சி பட குழுவினர் அஜர்பைஜான் சென்றனர். அங்கு மூன்று மாதங்கள் இடைவிடாமல் படப்பிடிப்பு நடைபெற இருப்பதாகவும் சினிமா வட்டாரங்கள் தெரிவிக்கின்றன. மேலும் இதில் அஜித்துடன் இணைந்து திரிஷா, ஹுமா குரேசி, ஆரவ் சஞ்சய்தத் உள்ளிட்டோர் நடிக்க இருப்பதாக கூறப்படுகிறது. இருப்பினும், இதுவரை எந்த ஒரு அதிகாரப்பூர்வ அறிவிப்பும் வெளியாகவில்லை. இதனிடையே விடாமுயற்சி படக்குழு 5 நாட்கள் இடைவெளியில், சென்னை திரும்பியது.

இந்நிலையில், மீண்டும் படக்குழு அஜர்பைஜான் திரும்புகிறது. அங்கு அடுத்தகட்ட படப்பிடிப்பு தொடங்க உள்ளது. மேலும், ஜனவரி மாதத்திற்குள் படப்பிடிப்பை நிறைவு செய்து, பின்னணி வேலைகளை தொடங்க படக்குழு முடிவு செய்துள்ளது.