தி கோட் படத்தின் புதிய புகைப்படங்கள் வெளியாகி உள்ளது.
நடிகர் விஜய் லியோ படத்திற்கு பிறகு வெங்கட் பிரபு இயக்கத்தில் தி கிரேட்டஸ்ட் ஆஃப் ஆல் டைம் (கோட்) எனும் திரைப்படத்தில் நடித்து முடித்துள்ளார். இந்த படத்தில் விஜய் இரட்டை வேடங்களில் நடித்துள்ளார். இவருடன் இணைந்து பிரசாந்த்,பிரபுதேவா, மைக் மோகன், லைலா, சினேகா, மீனாட்சி சௌத்ரி, ஜெயராம், வைபவ், யோகிபாபு, அஜ்மல், பிரேம்ஜி என ஒரு நட்சத்திர பட்டாளமே நடித்திருக்கின்றது. 
இந்த படமானது ஏஜிஎஸ் நிறுவனத்தின் தயாரிப்பிலும் யுவன் சங்கர் ராஜாவின் இசையிலும் தயாராகி இருக்கிறது. படத்தின் படப்பிடிப்புகள் ஏற்கனவே நிறைவடைந்த நிலையில் தற்போது பின்னணி வேலைகள் மிக தீவிரமாக நடைபெற்று வருகின்றன. இந்த படம் வருகின்ற செப்டம்பர் 5 அன்று விநாயக சதுர்த்தியை முன்னிட்டு திரைக்கு வர இருக்கிறது. இதற்கிடையில் படத்தின் அடுத்தடுத்த போஸ்டர்களும் பாடல்களும் வெளியாகி வருகின்றன. அடுத்ததாக ட்ரெய்லர் வருகின்ற ஆகஸ்ட் 18 அன்று வெளியாக இருப்பதாக சொல்லப்படுகிறது.
பாடல்கள் எதிர்பார்த்த அளவில் ரசிகர்களை கவரவில்லை என்றாலும் படத்தின் டிரைலரின் மூலம் ரசிகர்களை கவர்ந்து விட வேண்டும் என்று படக்குழுவினர் திட்டமிட்டுள்ளனர். டிரெய்லர் வெளியிடுவதற்கான முழு வேலைகளும் நடைபெற்று வருகிறது. இந்நிலையில் தி கோட் படத்தில் இருந்து சமீபத்தில் புதிய புகைப்படங்கள் வெளியாகி கவனம் பெற்றது. அதைத்தொடர்ந்து மீண்டும் சில புதிய படங்கள் வெளியாகி இணையத்தில் வைரலாகி வருகிறது.