விஜய் தேவரகொண்டாவின் VD12 படத்தின் ரிலீஸ் தேதி அறிவிக்கப்பட்டுள்ளது.
தென்னிந்திய சினிமாவில் பிரபல நடிகராக வலம் வரும் விஜய் தேவரகொண்டா அர்ஜுன் ரெட்டி திரைப்படத்தின் மூலம் ஏராளமான ரசிகர்களை சேகரித்து வைத்துள்ளார். இவர் கடைசியாக ஃபேமிலி மேன் என்ற திரைப்படத்தில் நடித்திருந்தார். இந்த படம் இவருக்கு எதிர்பார்த்த வெற்றியை தரவில்லை. அதைத் தொடர்ந்து இவர் தனது 12ஆவது திரைப்படத்தில் நடித்து வருகிறார். இந்த படத்தைக் கடந்த 2019 ஆம் ஆண்டு தெலுங்கு மொழியில் வெளியான ஜெர்சி படத்தின் இயக்குனர் கௌதம் தினனுரி இயக்குகிறார். சித்தாரா என்டர்டெயின்மெண்ட் நிறுவனம் இந்த படத்தை தயாரிக்க அனிருத் இதற்கு இசை அமைக்கிறார். க்ரிஷ் கங்காதரன் இதற்கு ஒளிப்பதிவு செய்கிறார். இந்த படத்தில் விஜய் தேவரகொண்டாவுடன் இணைந்து ருக்மினி வசந்த் நடித்து வருகிறார். VD12 என்று தற்காலிகமாக தலைப்பு வைக்கப்பட்டிருக்கும் விஜய் தேவரகொண்டாவின் 12வது திரைப்படம் தொடர்பான அதிகாரப்பூர்வ அறிவிப்பு ஏற்கனவே வெளியான நிலையில் இந்த படத்தில் விஜய் தேவரகொண்டா போலீஸ் கதாபாத்திரத்தில் நடிக்கிறார் என்பது தெரிய வந்தது.
மிகுந்த எதிர்பார்ப்புகளுடன் உருவாகி வரும் இந்த படத்தின் படப்பிடிப்பு கடந்த சில மாதங்களுக்கு முன்பாக இலங்கையில் தொடங்கப்பட்டு விறுவிறுப்பாக நடைபெற்று வருகிறது. இந்நிலையில் இந்த படத்தின் ரிலீஸ் தேதியை பட குழு அறிவித்துள்ளது. அதன்படி 2025 மார்ச் மாதம் 28ஆம் தேதி இந்த படம் வெளியாகும் என புதிய போஸ்டர் ஒன்றை வெளியிட்டு அறிவிக்கப்பட்டுள்ளது. அந்த போஸ்டரில் விஜய் தேவரகொண்டா ரக்கட் லுக்கில் காணப்படுகிறார். மேலும் அந்த போஸ்டரில் இந்த ஆகஸ்ட் மாதத்தில் டைட்டில் குறித்த அறிவிப்பு வெளியாகும் என்றும் தெரிவிக்கப்பட்டுள்ளது.