நடிகர் விஜய் சேதுபதி தமிழ் சினிமா மட்டுமில்லாமல் மலையாளம், இந்தி உள்ளிட்ட மொழிப்படங்களில் ஹீரோவாகவும் வில்லனாகவும் நடித்து ரசிகர்களை வெகுவாக கவர்ந்து வருகிறார். இவரது நடிப்பில் கடைசியாக வெளியான மகாராஜா திரைப்படம் மெகா பிளாக்பஸ்டர் ஹிட் அடித்தது. அதே சமயம் இவர் ட்ரெயின், ஏஸ் போன்ற படங்களையும் கைவசம் வைத்துள்ளார்.
அடுத்ததாக டிஜே ஞானவேல் இயக்கத்தில் வெளியான ஜெய் பீம் திரைப்படத்தில் முக்கியமான கதாபாத்திரத்தில் நடித்திருந்த மணிகண்டன் தற்போது பலரின் ஃபேவரைட் ஹீரோவாக உருவெடுத்துள்ளார். இவர் சோலோவாக நடித்து வெளியான குட் நைட், லவ்வர் போன்ற படங்கள் மிகப்பெரிய அளவில் வெற்றி பெற்றது.
இந்நிலையில் விஜய் சேதுபதி மற்றும் ஜெய் பீம் மணிகண்டன் ஆகிய இருவரும் இணைந்து புதிய வெப் சீரிஸ் ஒன்றில் நடிக்க உள்ளதாக லேட்டஸ்ட் அப்டேட் வெளிவந்துள்ளது. இந்த வெப் தொடரை டிஸ்னி பிளஸ் ஹாட்ஸ்டார் நிறுவனம் தயாரிக்கப் போவதாகவும் இந்த வெப் தொடருக்கு முத்து என்கிற காட்டான் என்று தலைப்பு வைக்கப்பட்டுள்ளதாகவும் புதிய அப்டேட் கிடைத்துள்ளது.
இருப்பினும் இந்த வெப் சீரிஸ் தொடர்பான அடுத்தடுத்த அப்டேட்கள் இனிவரும் நாட்களில் வெளியாகும் என்று எதிர்பார்க்கப்படுகிறது.
நடிகர் விஜய் சேதுபதி ஏற்கனவே விண்ட் என்ற வெப் தொடரில் நடித்து வருகிறார். அதேபோல் ஜெய் பீம் மணிகண்டன் ஏற்கனவே மத்தகம் என்ற வெப் தொடரில் நடித்துள்ளார் என்பது குறிப்பிடத்தக்கது.