நடிகர் விஜய் சேதுபதியின் புதிய படம் குறித்த தகவல் வெளியாகியுள்ளது.
நடிகர் விஜய் சேதுபதி தமிழ் சினிமாவில் முன்னணி நடிகர்களில் ஒருவராக வலம் வருகிறார். இவர் மாஸ்டர், விக்ரம், ஜவான் ஆகிய படங்களில் வில்லனாக நடித்து பெயர் பெற்றார். அதாவது விஜய் சேதுபதி ஹீரோவாக நடித்து வெளியான படங்களை விட வில்லனாக நடித்த படங்கள் வசூல் வீட்டை நடத்தியது. அதே சமயம் விஜய் சேதுபதி 50வது படமாக வெளியான மகாராஜா திரைப்படம் தமிழ் சினிமாவில் மிகச் சிறந்த படங்களில் ஒன்றாக அமைந்து ரசிகர்களை வெகுவாகக் கவர்ந்தது. மேலும் விடுதலை 2 திரைப்படத்திலும் விஜய் சேதுபதி நடிப்பு பெரிய அளவில் பேசப்பட்டது.
அதைத் தொடர்ந்து இவர் காந்தி டாக்ஸ், ஏஸ், ட்ரெயின் போன்ற பல படங்களை கைவசம் வைத்திருக்கிறார். அடுத்தது பாண்டிராஜ் இயக்கத்தில் புதிய படம் ஒன்றிலும் நடித்து முடித்துள்ளார் விஜய் சேதுபதி. அடுத்தது விஜய் சேதுபதி, பூரி ஜெகன்நாத் இயக்கத்தில் புதிய படம் ஒன்றில் நடிப்பதற்கு ஒப்பந்தமாகியுள்ளார். இந்த படத்தை பூரி கனெக்ட்ஸ் நிறுவனத்தின் சார்பில் பூரி ஜெகன்நாத் தயாரிக்கிறார் என்று சமீபத்தில் அறிவிக்கப்பட்டது. அதே சமயம் இந்த படத்தின் படப்பிடிப்பு 2025 ஜூன் மாதத்தில் தொடங்கும் எனவும் தெரிவிக்கப்பட்டு இருந்தது. 
எனவே பான் இந்திய அளவில் உருவாகும் இந்த படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் இந்த படம் குறித்த புதிய தகவல் ஒன்று கிடைத்துள்ளது. அதாவது இப்படத்தில் விஜய் சேதுபதிக்கு ஜோடியாக நடிகை தபு நடிக்க உள்ளாராம். 47 வயதுடைய விஜய் சேதுபதி 53 வயதுடைய நடிகையுடன் ஜோடி சேர உள்ள தகவல் இந்த படம் எந்த மாதிரியான படமாக இருக்கும்? என்ற ஆர்வத்தை தூண்டியுள்ளது. இனிவரும் நாட்களில் மற்ற அப்டேட்கள் வெளியாகும் என நம்பப்படுகிறது.