தொலைக்காட்சியில் ஒளிபரப்பாகும் ரியாலிட்டி ஷோக்களில் பிரபலமான நிகழ்ச்சி பிக் பாஸ். இந்த நிகழ்ச்சியானது கடந்த 7 சீசன்களை கடந்து தற்போது 8வது சீசன் தொடங்கப்பட்டுள்ளது. 
முதல் 7 சீசன்களை நடிகர் கமல்ஹாசன் தொகுத்து வந்த நிலையில் இந்த 8வது சீசனை நடிகர் விஜய் சேதுபதி தொகுத்து வழங்குகிறார். இந்நிகழ்ச்சியில் ஜாக்குலின், அருண் பிரசாத், ரஞ்சித், ரவீந்தர் சந்திரசேகர், தர்ஷா குப்தா, வி ஜே விஷால் சுனிதா உள்ளிட்ட 18 போட்டியாளர்கள் கலந்து கொண்டுள்ளனர். இதில் மகாராஜா படத்தில் விஜய் சேதுபதியின் மகளாக நடித்திருந்த சாச்சனாவும் பிக் பாஸ் வீட்டிற்குள் போட்டியாளராக கலந்து கொண்டார். ஆனால் பிக் பாஸ் நிகழ்ச்சி தொடங்கிய 24 மணி நேரத்திற்குள் சாச்சனா எலிமினேட் செய்யப்பட்டு வெளியேற்றப்பட்டுள்ளார். அதாவது இந்த சீசனில் ஆண்களுக்கு தனி பிக் பாஸ் வீடு பெண்களுக்கு தனி பிக் பாஸ் வீடு என பிரிக்கப்பட்டுள்ளது. அதில் பெண்களுக்கு எந்த பக்கம் ஆண்களுக்கு எந்த பக்கம் என்று முடிவெடுக்கும் இடத்தில் சாச்சனா இருந்தார். அத்துடன் ஆண் போட்டியாளர்களை எலிமினேட் செய்யாமல் இருந்தால் பெண் போட்டியாளர்களுக்கு பிக் பாஸ் வீட்டின் பெரிய அறையை விட்டுக் கொடுப்பதாக ஆண்கள் தெரிவித்திருந்தனர். இதற்குப் பெண்களும் ஒப்புக்கொண்டனர்.
அதேசமயம் “ஒருவேளை 24 மணி நேரத்திற்குள் ஒரு பெண் போட்டியாளர் வெளியேற வேண்டும் என்ற சூழ்நிலை வந்தால் அந்த போட்டியாளராக நானே இருக்கிறேன்” என்று கூறியிருந்தார் சாச்சனா. எனவே பிக் பாஸ் வீட்டில் இருக்கும் போட்டியாளர்கள் சாச்சனாவை நாமினேட் செய்ததால் அவர் இரண்டாவது நாளே வெளியேற்றப்பட்டுள்ளர். இது ஒரு பக்கம் பார்வையாளர்களுக்கு சுவாரசியத்தை ஏற்படுத்தினாலும் ஆனால் சாச்சனாவிற்காக வருத்தத்தையும் தெரிவித்து வருகின்றன. மேலும் அவர் விரைவில் பிக் பாஸ் வீட்டிற்குள் வருவார் என்றும் எதிர்பார்க்கின்றனர்.