தென்னிந்திய சினிமாவில் பிரபல தயாரிப்பாளராக வலம் வந்தவர் வி.ஏ துரை. இவர் விஜயகாந்த் சூர்யா விக்ரம் சத்யராஜ் உள்ளிட்ட முன்னணி நடிகர்களை வைத்து பல வெற்றி படங்களை தயாரித்துள்ளார். நீரழிவு நோயால் பாதிக்கப்பட்டு சிகிச்சை பெற்று வந்த விஏ துரை இன்று காலமானார். இவரின் மறைவிற்கு திரையுலக பிரபலங்கள் பலரும் தங்களின் வாழ்த்துக்களை தெரிவித்து வருகின்றனர்.
அந்த வகையில் நடிகர் விஜயகாந்த் தனது சமூக வலைதள பக்கத்தில், ” உடல் நலக்குறைவால் உயிர் இழந்த திரைப்பட தயாரிப்பாளர் வி ஏ துரை அவர்களின் மரணத்திற்கு எனது ஆழ்ந்த இரங்கலை தெரிவித்துக் கொள்கிறேன். எனது நடிப்பில் வெளியான கஜேந்திரா உள்ளிட்ட பல்வேறு படங்களை தயாரித்தவர் கடந்த சில நாட்களாக உடல் நலக்குறைவால் பாதிக்கப்பட்ட அவர் வீட்டில் இருந்தபடியே சிகிச்சை பெற்று வந்த நிலையில் சிகிச்சை பலனின்றி உயிரிழந்தார் என்ற செய்தி கேட்டு வேதனை அடைந்தேன். அவரை இழந்து வாடும் அவரது குடும்பத்தாருக்கும் திரையுலகை சேர்ந்தவர்களுக்கும் எனது ஆழ்ந்த இரங்கலையும் அனுதாபத்தையும் தெரிவித்துக் கொள்கிறேன்” என்று பதிவிட்டுள்ளார்.