விஜயின் ஜனநாயகன்ப படப்பிடிப்பு மே மாதத்தில் முடிவுக்கு வரும் என தகவல் வெளியாகி உள்ளது.
விஜயின் 69 ஆவது படமாக உருவாகி வரும் திரைப்படம் தான் ஜனநாயகன். இந்தப் படத்தை தீரன் அதிகாரம் ஒன்று, நேர்கொண்ட பார்வை, துணிவு ஆகிய படங்களை இயக்கிய ஹெச். வினோத் இயக்குகிறார். இந்த படத்தை கேவிஎன் புரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். சத்யன் சூர்யன் இதன் ஒளிப்பதிவு பணிகளை கவனிக்கிறார். இந்த படத்தில் விஜயுடன் இணைந்து பூஜா ஹெக்டே, பாபி தியோல், பிரகாஷ் ராஜ், கௌதம் மேனன், பிரியாமணி, மமிதா பைஜு, நரேன் மற்றும் பலர் நடிக்கின்றனர். கடந்த சில நாட்களுக்கு முன்னர் இந்த படத்தில் இருந்து அடுத்தடுத்த போஸ்டர்கள் வெளியாகி ரசிகர்களை உற்சாகப்படுத்தியது.
அதே சமயம் நடிகர் விஜயும் ஜனநாயகன் படப்பிடிப்பு – அரசியல் என மாறி மாறி பணியாற்றி வருகிறார். இருப்பினும் ஜனநாயகன் படத்தின் படப்பிடிப்பு விறுவிறுப்பாக நடைபெற்று வருகிறது. அதேபோல் நாளுக்கு நாள் எதிர்பார்ப்புகளும் அதிகரித்து வருகின்றன. இந்நிலையில் கூடுதல் தகவல் என்னவென்றால், ஜனநாயகன் படத்தில் இன்னும் மூன்று பாடல்களும் ஒரு சண்டை காட்சியும் படமாக்கப்பட இருக்கிறதாம். எனவே 2025 மே மாதத்திற்குள் ஒட்டுமொத்த படப்பிடிப்பும் நிறைவடைந்து விடும் என தகவல் வெளியாகி வருகின்றன. மேலும் இந்த படத்தில் மொத்தம் 5 பாடல்கள் இருப்பதாக சொல்லப்படுகிறது.