சமீபத்தில், நடிகை ஸ்ருதி நாராயணனின் காஸ்டிங் கவுச் வீடியோ சமூக வலைதளங்களில் வைரலானது. இதனால் அவர் பயங்கரமாக ட்ரோல் செய்யப்பட்டார். ஸ்ருதி நாராயணனும், அவரது குடும்பத்தினரும் வருத்தமடைந்துள்ளனர். இதற்கு அவர் இப்போது பதிலளித்துள்ளார். அவர் சமூக வலைதளத்தில் பகிர்ந்துள்ள ஒரு பதிவில், ”இந்த நேரம் எனக்கும், எனது குடும்பத்தினருக்கும் மிகவும் கடினமாக உள்ளது” எனக் கூறி, வீடியோவை வைரலாக்குபவர்கள் மீது அவர் கடுமையாக சபித்து தனது கோபத்தை வெளிப்படுத்தியுள்ளார். 
வைரலான இந்த வீடியோ 14 நிமிடங்கள் நீள்கிறது. அதில் ஒரு பெண் நிர்வாணமாக காணப்படுகிறார். அவரது முகம் ஸ்ருதி நாராயணனை ஒத்திருக்கிறது. சிலர் இந்த காணொளி ஏஐ அல்லது ஒரு டீப்ஃபேக்காக இருக்கலாம் என்று கூறுகிறார்கள். இந்த வீடியோ சமூக வலைதளங்களில் வைரலாகி வருகிறது. மக்கள் இதைப் பரவலாகப் பகிர்ந்து வருகின்றனர். இதனால் ஸ்ருதி நாராயணன் கோபமடைந்தார். அவர் தனது இன்ஸ்டாகிராம் ரீல்ஸில், கசிந்த வீடியோவைப் பகிர வேண்டாம்” என்று மக்களிடம் மன்றாடி கேட்டுக் கொண்டார்.
ஸ்ருதி நாராயணன் தனது பதிவில், ‘இது உங்களுக்கு ஒரு நகைச்சுவை. வேடிக்கையான உள்ளடக்கம். ஆனால் இது எனக்கும், என் குடும்பத்திற்கும் கடினமான நேரம். குறிப்பாக எனக்கு, இது மிகவும் கடினமான நேரம். இந்த சூழ்நிலையை கையாள்வது கடினமாகி வருகிறது.
நானும் ஒரு பெண். எனக்கு நெருங்கிய நண்பர்கள், உறவினர்களும் உள்ளனர். ஆனால் நீங்கள் அதை மோசமாக்குகிறீர்கள். மிகவும் மோசமாக்குகிறீர்கள். இதை காட்டுத்தீ போல் பரப்ப வேண்டாம் என்று உங்கள் அனைவரையும் கேட்டுக்கொள்கிறேன். நீங்கள் அதைப் பரப்பினால், முதலில் உங்கள் அம்மா, சகோதரி அல்லது காதலியின் வீடியோக்களைப் பாருங்கள். அவர்களுக்கும் என்னைப் போலவே உடல் அமைப்பு இருக்கிறது. எனவே அவர்களது காணொளிகளை அனுபவியுங்கள்.
மனிதனாக இருங்கள். கசிந்த வீடியோக்களைப் பகிர்வது, அது உண்மையானதாக இருந்தாலும் சரி, போலியாக இருந்தாலும் சரி, இந்தியாவில் குற்றமாகும். நடவடிக்கை எடுக்கக்கூடிய சில சட்ட விதிகள் இங்கே உள்ளன” எனத் தெரிவித்துள்ளார்.
பின்னர் கசிந்த வீடியோவைப் பகிர்ந்தவர்களுக்கு எதிராக எடுக்கக்கூடிய நடவடிக்கைகளின் பட்டியலை ஸ்ருதி பகிர்ந்து கொண்டார். ஸ்ருதி நாராயணன் தனது நடிப்பு வாழ்க்கையை தமிழ் தொலைக்காட்சி நிகழ்ச்சிகள் மூலம் தொடங்கினார். படங்களிலும் நடித்துள்ளார். அவர் சசிறகடிக்க ஆசை என்ற தமிழ் தொலைக்காட்சி சீரியல் மூலம் புகழ் பெற்றார்