சூர்யா, சிறுத்தை சிவா கூட்டணியில் கங்குவா திரைப்படம் உருவாகியுள்ளது. 3D தொழில்நுட்பத்தில் மிகப்பிரமாண்டமாக உருவாகி வரும் இந்த படம் பத்துக்கும் மேலான மொழிகளில் வெளியாக இருக்கிறது. 
ஸ்டுடியோ கிரீன் நிறுவனம் இந்த படத்தை தயாரிக்க தேவி ஸ்ரீ பிரசாத் இதற்கு இசை அமைத்துள்ளார். மிகுந்த எதிர்பார்ப்புகளுடன் வரலாற்று சரித்திர படமாக உருவாகியுள்ள இந்த படத்தின் படப்பிடிப்புகள் முழுவதும் நிறைவடைந்து தற்போது டப்பிங் பணிகளும் நிறைவடைந்த நிலையில் VFX பணிகள் விறுவிறுப்பாக நடைபெற்று வருகிறது. இதில் சூர்யாவுக்கு வில்லனாக பாபி தியோல் நடித்துள்ளார். மேலும் இவர்களுடன் இணைந்து கோவை சரளா, யோகி பாபு, திஷா பதானி, நட்டி நடராஜ் உள்ளிட்ட பலரும் நடித்துள்ளனர். கடந்த ஆண்டில் இந்த படத்தின் கிளிம்ப்ஸ் வீடியோவை பட குழுவினர் வெளியிட்டிருந்தனர். இது ரசிகர்களுக்கு படத்தின் மீதான எதிர்பார்ப்பை அதிகப்படுத்தியது. 
அதைத்தொடர்ந்து அடுத்தடுத்த போஸ்டர்களையும் பட குழுவினர் வெளியிட்டு கவனம் ஈர்த்தனர். எனவே அடுத்ததாக படத்தின் டீசர் எப்போது என்று ரசிகர்கள் எதிர்பார்த்து காத்துக் கொண்டிருக்கும் நிலையில் டீசர் குறித்த அப்டேட் வெளியாகி உள்ளது. அதாவது படத்தின் டீசர் தயாராகி விட்டதாக கூறப்படுகிறது. எனவே ஏப்ரல் மாத இறுதியில் வெளியிட படக் குழுவினர் திட்டமிட்டு வருகின்றனராம். மேலும் கங்குவா திரைப்படம் நாடாளுமன்றத் தேர்தல் முடிந்த பின் ஆகஸ்ட் மாதத்தில் வெளியாகும் என்று எதிர்பார்க்கப்படுகிறது.