மீண்டும் தொடங்கும் ‘சர்தார் 2’ படப்பிடிப்பு…. எப்போது?

சர்தார் 2 படப்பிடிப்பு மீண்டும் தொடங்க இருக்கிறது.பி.எஸ். மித்ரன் இயக்கத்தில் கார்த்தி நடிப்பில் தற்போது உருவாகி வரும் திரைப்படம் தான் சர்தார் 2. இந்த படத்தை பிரின்ஸ் பிக்சர்ஸ் நிறுவனம் தயாரிக்க யுவன் சங்கர் ராஜா இதற்கு இசையமைக்கிறார். இந்த படத்தில் கார்த்தியுடன் இணைந்து மாளவிகா மோகனன், ஆஷிகா ரங்கநாத், ரஜிஷா விஜயன் ஆகியோர் முக்கிய கதாபாத்திரங்களில் நடிக்க எஸ்.ஜே. சூர்யா படத்தில் வில்லனாக நடிக்கிறார். கடந்த 2022ல் வெளியான சர்தார் படத்தின் முதல் பாகம் ரசிகர்கள் மத்தியில் ஏகபோக வரவேற்பை பெற்றது. இப்படத்தின் வெற்றியே தற்போது உருவாகி வரும் சர்தார் 2 படத்தின் மீதான எதிர்பார்ப்பிற்கு முக்கிய காரணமாகும். எனவே சர்தார் முதல் பாகத்தை போல் இரண்டாம் பாகமும் ஸ்பை திரில்லர் ஜானரில் தயாராகி வருகிறது. அதன்படி கடந்த சில மாதங்களுக்கு முன்னரே இந்த படத்தின் படப்பிடிப்புகள் தொடங்கப்பட்டு விறுவிறுப்பாக நடைபெற்று வந்தன. அதே சமயம் நடிகர் கார்த்தி, சர்தார் 2 படப்பிடிப்பின் போது விபத்தில் சிக்கிய நிலையில் படப்பிடிப்பு தற்காலிகமாக நிறுத்தி வைக்கப்பட்டிருப்பதாக சொல்லப்படுகிறது. இருப்பினும் படக்குழு டப்பிங் பணிகளையும் தொடங்கி நடத்தி வருகின்றனர். இந்நிலையில் இந்த வாரம் இந்த படத்தின் படப்பிடிப்பு மீண்டும் சென்னையில் தொடங்க இருப்பதாகவும், சில முக்கியமான காட்சிகள் படமாக்கப்பட இருப்பதாகவும் தற்போதைய தகவல்கள் தெரிவிக்கின்றன. அடுத்ததாக இந்த படத்தை தீபாவளி தினத்தை முன்னிட்டு திரைக்கு கொண்டு வர படக்குழு திட்டமிட்டு வருவதாக சமீபகாலமாக தகவல் வெளியாகி வருவது குறிப்பிடத்தக்கது.