குட் பேட் அக்லி படத்தின் டீசர் ரிலீஸ் குறித்த அப்டேட் வெளியாகியுள்ளது.
அஜித்தின் 63வது படமாக உருவாகி வரும் திரைப்படம் தான் குட் பேட் அக்லி. இந்த படத்தை மார்க் ஆண்டனி பா இயக்குனர் ஆதிக் ரவிச்சந்திரன் இயக்கி வருகிறார். இதனை மைத்ரி மூவி மேக்கர்ஸ் நிறுவனம் தயாரிக்க ஜி.வி. பிரகாஷ் இதற்கு இசையமைக்கிறார். இந்த படத்தில் அஜித்துடன் இணைந்து திரிஷா, அர்ஜுன் தாஸ், பிரசன்னா, சுனில் மற்றும் பலர் நடித்திருக்கின்றனர். இந்த படமானது ஆக்ஷன் கலந்த கேங்ஸ்டர் படமாக உருவாகி வருகிறது. அதன்படி இந்த படத்தின் படப்பிடிப்புகள் ஏற்கனவே நிறைவடைந்த நிலையில் படமானது 2025 ஏப்ரல் 10ஆம் தேதி திரைக்கு வரும் என அறிவிக்கப்பட்டிருக்கிறது. இதற்கிடையில் இந்த படத்தில் இருந்து அடுத்தடுத்த போஸ்டர்கள் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. 
இந்நிலையில் இந்த படத்தின் டீசர் குறித்த அப்டேட் வெளியாகியுள்ளது. அதாவது அடுத்த மாதம் (பிப்ரவரி) இந்த படத்தின் டீசர் வெளியாகும் என எதிர்பார்க்கப்படுகிறது. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.
மேலும் நடிகர் அஜித்தின் 62 ஆவது படமாக உருவாகி இருக்கும் விடாமுயற்சி திரைப்படம் 2025 பிப்ரவரி 6ஆம் தேதி வெளியாக இருக்கிறது என்பது குறிப்பிடத்தக்கது.