சியான் 63 படத்தின் லேட்டஸ்ட் அப்டேட் வெளியாகியுள்ளது.
நடிகர் விக்ரம் தற்போது சித்தா பட இயக்குனர் அருண்குமார் இயக்கத்தில் வீர தீர சூரன் எனும் திரைப்படத்தில் நடித்து வருகிறார். இந்த படமானது அடுத்த ஆண்டு ஜனவரி மாதத்தில் திரைக்கு கொண்டுவர திட்டமிடப்பட்டுள்ளது. 
இதைத்தொடர்ந்து நடிகர் விக்ரம், மண்டேலா, மாவீரன் ஆகிய படங்களை இயக்கிய மடோன் அஸ்வின் இயக்கத்தில் தனது 63வது திரைப்படத்தில் நடிக்க உள்ளார். இந்த படத்திற்கு தற்காலிகமாக சியான் 63 என்ற தலைப்பு வைக்கப்பட்டுள்ளது. இந்த படத்தை சாந்தி டாக்கீஸ் நிறுவனம் தயாரிக்கிறது. சமீபத்தில் இது தொடர்பான அதிகாரப்பூர்வ அறிவிப்பு வெளியானது. இந்நிலையில் இதன் கூடுதல் தகவல் என்னவென்றால், இந்த படத்தில் விக்ரமுடன் இணைந்து நடைபெற யோகி பாபு முக்கிய காதாபாத்திரத்தில் நடிக்க உள்ளாராம். ஏற்கனவே நடிகர் யோகி பாபு, மடோன் அஸ்வின் இயக்கத்தில் மண்டேலா திரைப்படத்தில் கதாநாயகனாக நடித்திருந்தார் என்பது குறிப்பிடத்தக்கது. 
மேலும் சியான் 63 படத்திற்கு மண்டேலா படத்தின் இசையமைப்பாளர் பரத் சங்கர் இசையமைக்கப் போவதாகவும் தகவல் வெளியாகியுள்ளது. அடுத்தது இந்த படத்தின் படப்பிடிப்பு அடுத்த ஆண்டு தொடங்கப்படும் எனவும் அதே ஆண்டில் படத்தை வெளியிட இருப்பதாகவும் தற்போதைய தகவல்கள் தெரிவிக்கின்றன. விரைவில் அடுத்தடுத்த அப்டேட்டுகள் வெளியாகும் என எதிர்பார்க்கப்படுகிறது.