நகைச்சுவை நடிகரான யோகி பாபு, ரஜினி, விஜய், சிவகார்த்திகேயன் போன்ற முன்னணி நடிகர்களுடன் இணைந்து பணியாற்றி வருகிறார். அதே சமயம் கடந்த 2021 இல் மடோன் அஸ்வின் இயக்கத்தில் வெளியான மண்டேலா திரைப்படத்தின் மாபெரும் வெற்றிக்குப் பிறகு பல படங்களில் ஹீரோவாகவும் நடித்து வருகிறார். அந்த வகையில் பூமர் அங்கிள், மேகி, வானவன் போன்ற படங்களில் நடித்துள்ளார். இன்னும் சில படங்களை கைவசம் வைத்திருக்கிறார்.
இந்நிலையில் யோகி பாபு போட் எனும் திரைப்படத்தில் நடித்துள்ளார். இப்படத்தை இயக்குனர் சிம்பு தேவன் இயக்கியுள்ளார். சிம்பு தேவன் இம்சை அரசன் 23ஆம் புலிகேசி, அறை எண் 305ல் கடவுள், இரும்புக்கோட்டை முரட்டு சிங்கம், புலி போன்ற படங்களை இயக்கியவர் என்பது குறிப்பிடத்தக்கது.
Happy to share @chimbu_deven ‘s #BOATTeaser . Congrats team.https://t.co/fwktacwnR2#ThoughoutInMidSea
@iYogibabu @Gourayy @Madumkeshprem @GhibranVaibodha @maaliandmaanvi @cde_off pic.twitter.com/GtR4ZtIH8k
— VijaySethupathi (@VijaySethuOffl) December 16, 2023
தற்போது சிம்பு தேவன் மற்றும் யோகி பாபு கூட்டணியில் உருவாகியுள்ள போட் படத்தின் டீசர் வெளியாகி உள்ளது. போட் -நெய்தல் கதை, என்று பெயர் வைக்கப்பட்டுள்ள இப்படத்தில் யோகி பாபுவுடன் இணைந்து கௌரி கிஷன், எம் எஸ் பாஸ்கர், சின்னி ஜெயந்த் உள்ளிட்டோர் நடித்துள்ளனர். முழுக்க முழுக்க கடலுக்கு நடுவில் போட் ஒன்றில் நடைபெறும் கதைக்களத்தில் இப்படம் உருவாகியுள்ளது. பான் இந்திய அளவில் இப்படம் வெளியாக இருக்கிறது. தமிழில் இப்படத்தின் டீசரை விஜய் சேதுபதி வெளியிட்டுள்ளார். தற்போது இந்த கவனம் பெற்று சமூக வலைதளங்களில் பகிரப்பட்டு வருகிறது. இப்படத்தை மாலி & மான்வி மூவி மேக்கர்ஸ் நிறுவனம் தயாரிக்க ஜிப்ரான் இசையமைத்துள்ளார்.