பெங்களூரு விமான நிலைய சாலையில் பெண்ணை மடியில் வைத்துக்கொண்டு ஆபத்தான முறையில் பைக்கை ஓட்டிச் சென்ற நபர் மீது பெங்களூரு போலீஸார் ஞாயிற்றுக்கிழமை வழக்குப் பதிவு செய்துள்ளனர்.
இது குறித்து ஒரு வீடியோ சமூக வலைத்தளங்களில் வைரலாகியுள்ளது. மேலும் பயனர்கள் அந்த ஜோடிக்கு எதிராக நடவடிக்கை எடுக்க வீடியோவின் கீழ் பெங்களூரு காவல்துறையைக் குறியிட்டுள்ளனர்.
பெங்களூரு விமான நிலைய சாலையில் பெண்ணை தனது மடியில் வைத்துக்கொண்டு ஆபத்தான முறையில் ஆண் ஒருவர் பைக்கை ஓட்டிச் சென்றுள்ளார். இருவரும் ஹெல்மெட் அணியாமல் அதிவேகமாக பயணம் செய்துள்ளனர்.
அதனைத் தொடர்நது பெங்களூரு போலீசார் சவாரி செய்தவரை தேடும் பணியில் ஈடுபட்டுள்ளனர். அப்பகுதியில் பொருத்த பட்டிருந்த சிசிடிவி காட்சிகளை ஆய்வு செய்து பார்த்த போது நம்பர் பிளேட் மூலம் அந்த நபரை கண்டுபிடித்து, அவர் மீது யெலஹங்கா போலீசார் வழக்கு பதிவு செய்துள்ளனர்.
ஆய்வின் அடிப்படையில் அந்த நபர் சிலம்பரசன்(21), ஒரு வண்டி ஓட்டுநர் மற்றும் ஷாம்புராவில் உள்ள எம்.வி. லே அவுட்டில்(M.V Layout) வசிப்பவர் என்பது தெரிய வந்துள்ளது. பின்னர் சிலம்பரசனின் வாகனம் பறிமுதல் செய்யப்பட்டு, மோட்டார் வாகன சட்டத்தின் கீழ் வழக்கு பதிவு செய்யப்பட்டு நடவடிக்கை எடுக்கப்படும் என தெரிவிக்கப்பட்டிருக்கிறது.
பைக் ஓட்டுபவர்களை எச்சரித்து, X தளத்தில் பதிவிட்டுள்ளனர். முன்னதாக, இரு சக்கர வாகன அச்சுறுத்தல்களின் ஹாட் ஸ்பாட்டாக மாறியுள்ள விமான நிலைய சாலையில் ஸ்டண்ட் செய்ததற்காக பல இளைஞர்கள் பெங்களூரு போலீசாரால் வழக்கு பதிவு செய்யப்பட்டனர். மீறுபவர்களை கண்டறிய சாலையில் AI-இயங்கும் கேமராக்களும் நிறுவப்பட்டுள்ளன. பெங்களூரில் ஏற்படும் உயிரிழப்புகளில் பெரும் பங்கு பைக் ஓட்டுபவர்களால் ஏற்படுவதாக பதிவுகள் தெரிவிக்கின்றன.