மாற்றுத்திறனாளி மாணவிக்கு பாலியல் தொல்லை-ஆசிரியர் கைது

மாற்றுத்திறனாளி மாணவிக்கு பாலியல் தொல்லை-ஆசிரியர் கைது

பதினொன்றாம் வகுப்பு தேர்வில் மாற்றுத்திறனாளி மாணவிக்கு உதவிக்கு நியமிக்கப்பட்ட தனியார் பள்ளி ஆசிரியர் பாலியல் தொல்லை தந்ததாக கைது செய்யபட்டுள்ளார்.

தமிழக அரசு பள்ளிக் கல்வித் துறை சார்பில் அரசு பொது தேர்வு குறித்த அட்டவணை கடந்த சில மாதங்களுக்கு முன்பு வெளியிடப்பட்டு கடந்த இருதினங்களாக +2 , +1 அரசு பொது தேர்வு நடைபெற்று வருகிறது.

மாற்றுத்திறனாளி மாணவ மாணவிகள் தேர்வு எழுத சிறப்பு அனுமதி பெறப்பட்டு அவர்களுக்கென அவர்கள் சொல்வதை எழுத ஆசிரியர்கள் நியமிக்கப்பட்டனர்.

அவ்வாறு காஞ்சிபுரம் திருப்புட்குழி அரசு மேல்நிலைப் பள்ளி தேர்வு மையத்தில்  அரசு பொதுத்தேர்வு நடைபெற்று வருகிறது. இதில் முசரவாக்கத்தை சேர்ந்த மாற்றுத்திறனாளி மாணவி +1 ஆசிரியர் தேர்வு எழுத வந்துள்ளார்.

அந்த மாணவிக்கு என தனி அறை ஒதுக்கப்பட்டு தேர்வு எழுதி வந்த நிலையில் பதட்டத்துடன் காணப்படுவதாக கூறியதை தொடர்ந்து தேர்வு அலுவலரான ஓரிக்கை தனியார் பள்ளி ஆசிரியர் உதவ வந்துள்ளார்.

இந்நிலையில் தேர்வு எழுத சென்ற போது ஆசிரியர் மாணவிக்கு பாலியல் தொல்லை கொடுத்ததாக அந்த மாணவி பெற்றோரிடம் தெரிவித்துள்ளார்.

உடனடியாக இதுகுறித்து பாலு செட்டி காவல் நிலையத்திற்கு தகவல் அளித்ததின் பேரில் அங்கு சென்று காவல்துறையினர் மாணவி மற்றும் ஆசிரியரிடம் தனி தனியாக விசாரணை மேற்கொண்டனர்.

மேலும், இது குறித்து அனைத்து மகளிர் காவல் நிலையத்திற்கு தகவல் அளிக்கப்பட்டதன் பெயரில் உடனடியாக சம்பவ இடத்திற்கு வந்து போலிசார் விசாரணை மேற்கொண்டு தனியார் பள்ளி ஆசிரியரை கைது செய்து அவர் மீது போக்சோ சட்டத்தின் கீழ் வழக்கு பதிவு செய்துள்ளனர்.