துளசி கபார்ட் அமெரிக்க உளவுத்துறை இயக்குநராக டொனால்ட் டிரம்ப்பால் நியமிக்கப்பட்ட முதல் இந்து காங்கிரஸ் பெண்
அமெரிக்க அதிபராகத் தேர்ந்தெடுக்கப்பட்டுள்ள டொனால்ட் டிரம்ப் புதன்கிழமை தனது நிர்வாகத்தின் கீழ் தேசிய புலனாய்வு இயக்குநராக (டிஎன்ஐ) முன்னாள் ஜனநாயகக் கட்சியின் துளசி கபார்டை நியமித்தார். டொனால்ட் டிரம்ப், துளசி கபார்டை ஒரு “பெருமைமிக்க குடியரசுக் கட்சிக்காரர்” என்றும் அவர் உளவுத்துறை சமூகத்தில் “அச்சமற்ற உணர்வை” கொண்டு வர முடியும்’’ பெருமையாக அறிமுகப்படுத்தினார்.
“துளசி, நமது உளவுத்துறை சமூகத்திற்கு, நமது அரசியலமைப்பு உரிமைகளை வென்றெடுப்பதற்கும், வலிமையின் மூலம் அமைதியைப் பாதுகாப்பதற்கும் தனது புகழ்பெற்ற வாழ்க்கையை வரையறுத்துள்ள அச்சமற்ற உணர்வைக் கொண்டு வருவார் என்று எனக்குத் தெரியும். துளசி நம் அனைவரையும் பெருமைப்படுத்துவார்’’ என டிரம்ப் தெரிவித்தார்.
உளவுத்துறையில் அவருக்கு குறிப்பிட்ட அனுபவம் இல்லை என்றாலும், துளசி கப்பார்ட் இரண்டு தசாப்தங்களுக்கும் மேலாக அமெரிக்க இராணுவத்தில் பணியாற்றிய சீனியர். அவர் ஜனநாயகக் கட்சியைப் பிரதிநிதித்துவப்படுத்தினார். 2013 முதல் 2021 வரை ஹவாயின் இரண்டாவது மாவட்டத்திற்கான காங்கிரஸ் பெண்ணாக பணியாற்றினார்.
துளசி கபார்ட் இரண்டு தசாப்தங்களுக்கும் மேலாக இராணுவ தேசிய காவலில் பணியாற்றினார். ஈராக் மற்றும் குவைத்திற்கு அனுப்பப்பட்டார். அவர் ஹவுஸ் ஹோம்லேண்ட் செக்யூரிட்டி கமிட்டியில் இரண்டு ஆண்டுகள் பணியாற்றினார்.
துளசி கபார்டுக்கு இந்தியாவுடன் எந்தத் தொடர்பும் இல்லை. கபார்டின் தாய் இந்து மதத்திற்கு மாறி, தன் குழந்தைகளுக்கு இந்து பெயர்களை வைத்தார். துளசி கப்பார்ட் ஒரு ஹிந்துவாகவும், முதல் இந்து அமெரிக்க காங்கிரஸ் பெண்மணியாகவும் அடையாளப்படுத்துகிறார். அவர் அமெரிக்க சமோவா வம்சாவளியைச் சேர்ந்தவராக இருக்கும்போது, துளசி பகவத் கீதையின் மீது கை வைத்து பதவியேற்றார்.
2020 ஆம் ஆண்டில், கபார்ட் கமலா ஹாரிஸுக்கு எதிராக ஜனநாயகக் கட்சியின் ஜனாதிபதி வேட்பாளருக்கான முயற்சியை மேற்கொண்டார். அவர் பின்னர் போட்டியிலிருந்து வெளியேறினார். இறுதியில் 2022 ல் கட்சியை விட்டு வெளியேறினார்.
கபார்ட் ஒளிப்பதிவாளர் ஆபிரகாம் வில்லியம்ஸை மணந்தார். அவரது தந்தை, மைக் கப்பார்ட், ஒரு மாநில செனட்டர். அவர் முதலில் குடியரசுக் கட்சியில் தேர்ந்தெடுக்கப்பட்டு, ஜனநாயகக் கட்சிக்கு மாறினார்.