சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.320 குறைந்து, ஒரு சவரன் ரூ.56,360-க்கு விற்பனையாகிறது. சென்னையில் கடந்த 3 நாட்களில் மட்டும் தங்கம் விலை சவரனுக்கு ரூ.1,840 சரிந்துள்ளது.
சென்னையில் ஆபரணத் தங்கத்தின் விலை கடந்த சில மாதங்களாக தொடர்ந்து ஏறுமுகத்தில் இருந்து வந்தது. கடந்த நவம்பர் 4ஆம் தேதி புதிய உச்சமாக ரூ.58,960 ஆக உயர்ந்தது. இதனை தொடர்ந்து, தங்கம் விலை சரிவை சந்தித்து வந்தது. நேற்று தங்கம் விலை அதிரடியாக சவரனுக்கு ரூ.1,080 சரிந்து, சவரன் ரூ.56,680க்கு விற்பனையானது.
இந்த நிலையில், இன்று சென்னையில் ஆபரணத்தங்கத்தின் விலை சவரனுக்கு மேலும் ரூ.320 சரிந்துள்ளது. கடந்த 3 நாட்களில் மட்டும் தங்கத்தின் விலை சவரனுக்கு ரூ.1,840 சரிந்துள்ளது. இதனால் சாமானிய மக்கள் மகிழ்ச்சி அடைந்துள்ளனர்.
சென்னையில் இன்று 22 கேரட் ஆபரணத்தங்கத்தின் விலை சவரனுக்கு ரூ.320 குறைந்து, ரூ.56,360க்கு விற்பனையாகிறது. ஆபரணத்தங்கம் கிராமுக்கு ரூ.40 குறைந்து, ரூ.7,045க்கு வர்த்தகமாகிறது. இதேபோல், சில்லறை வர்த்தகத்தில் வெள்ளி விலை கிராமிற்கு ஒரு ரூபாய் உயர்ந்து ரூ.101-க்கு விற்பனையாகிறது. பார் வெள்ளி கிலோவுக்கு ஆயிரம் ரூபாய் அதிகரித்து, ஒரு லட்சத்து ஆயிரம் ரூபாய்க்கு வர்த்தகமாகிறது.