திருப்பதி கோயிலில் ஒரே மாதத்தில் ரூ.111.65 கோடி காணிக்கை
திருப்பதி ஏழுமலையான் கோயிலில் செப்டம்பர் மாதம் 21.01 லட்சம் பக்தர்கள் சுவாமி தரிசனம் செய்து உண்டியலில் ரூ.111.65 கோடியை பக்தர்கள் காணிக்கை செலுத்தினர்.
திருப்பதி ஏழுமலையான் கோயிலில் செப்டம்பர் மாதம் 1-ம் தேதி முதல் 30-ம் தேதி வரை 21.01 லட்சம் பக்தர்கள் சுவாமி தரிசனம் செய்துள்ளனர். சுவாமி தரிசனம் செய்த பக்தர்கள் கோயில் உண்டியலில் ரூ.111.65 கோடி காணிக்கையாக செலுத்தி உள்ளனர். 8.94 லட்சம் பக்தர்கள் மொட்டையடித்து தலைமுடி காணிக்கை செலுத்தினர். 1.11 கோடி லட்டுகள் பக்தர்களுக்கு விற்பனை செய்யப்பட்டுள்ளது. 53.84 லட்சம் பக்தர்களுக்கு அன்னதானம் வழங்கப்பட்டுள்ளதாக செயல் அதிகாரி தர்மா ரெட்டி தெரிவித்தார்.