கர்நாடக மாநில சட்டப்பேரவைத் தேர்தலில் பதிவான வாக்குகளை எண்ணும் பணி இன்று (மே 13) காலை 08.00 மணிக்கு தொடங்கி விறுவிறுப்பாக நடைபெற்று வருகிறது. மொத்தம் உள்ள 224 தொகுதிகளில் 132 தொகுதிகளில் காங்கிரஸ் கட்சி முன்னிலையில் உள்ளது. இதனால் காங்கிரஸ் கட்சித் தனிப்பெரும்பான்மையுடன் கர்நாடகாவில் ஆட்சி அமைக்கவுள்ளது.
கர்நாடகாவில் தேர்தல் முடிவுகள் வெளியானது…முன்னாள் முதலமைச்சர் குமாரசாமி அதிர்ச்சி!
பெங்களூருவில் உள்ள காங்கிரஸ் கட்சியின் தலைமை அலுவலகத்தில் காங்கிரஸ் கட்சியின் மூத்த தலைவர்கள் மற்றும் நிர்வாகிகள் ஆலோசனை மேற்கொண்டு வருகின்றனர். அதைத் தொடர்ந்து, நாளை (மே 14) காங்கிரஸ் கட்சியின் சட்டமன்ற உறுப்பினர்கள் கூட்டம் நடைபெறுகிறது. இதில் கட்சியின் சட்டப்பேரவைக் குழுத் தலைவரை சட்டமன்ற உறுப்பினர்கள் தேர்ந்தெடுக்கவுள்ளனர்.
இந்த நிலையில், பெங்களூருவில் செய்தியாளர்களை சந்தித்த முன்னாள் முதலமைச்சர் சித்தராமையா, “புதிதாக தேர்ந்தெடுக்கப்பட்ட எம்.எல்.ஏ.க்கள் கூடி முதலமைச்சர் யார் என்பதைத் தேர்ந்தெடுப்பார்கள். கர்நாடக மக்கள் அரசியல் ரீதியாக முதிர்ச்சிப் பெற்றவர்கள் என்பதை தேர்தல் முடிவுகள் காட்டுகின்றன. நாட்டில் உள்ள ஒரே மதச்சார்பற்ற கட்சி காங்கிரஸ் தான்.
கர்நாடகாவின் அடுத்த முதலமைச்சர் யார்? மல்லிகார்ஜுன கார்கே பேட்டி
காங்கிரஸ் தேர்தல் வெற்றி நாடாளுமன்றத் தேர்தலுக்கான முன்னோட்டம். பிரதமர் 20 முறை கர்நாடகாவில் பரப்புரை செய்தார்; அது மக்களிடம் எடுப்படவில்லை. கடந்த முறை ஆப்ரேசன் தாமரை மூலமே பா.ஜ.க. ஆட்சியைப் பிடித்தது. ராகுல் காந்தியின் நடைப்பயணம் தேர்தல் வெற்றிக்கு கைக்கொடுத்தது” எனத் தெரிவித்துள்ளார்.
கர்நாடகாவில் ஆட்சியைப் பிடிக்கும் காங்கிரஸ் கட்சிக்கு தமிழக முதலமைச்சரும், தி.மு.க.வின் தலைவருமான மு.க.ஸ்டாலின் வாழ்த்துத் தெரிவித்துள்ளார்.