தெலங்கானாவில் நடைபெறவுள்ள சட்டப்பேரவைத் தேர்தலில் இந்திய கிரிக்கெட் அணியின் முன்னாள் கேப்டன் அசாருதீனை காங்கிரஸ் கட்சி களமிறக்கியுள்ளது. தெலங்கானாவில் 119 சட்டப்பேரவைத் தொகுதிகளை உள்ளடக்கிய சட்டப்பேரவைக்கு நவம்பர் மாதம் 30- ஆம் தேதி ஒரே கட்டமாக வாக்குப்பதிவு நடைபெறவுள்ளது.
மூதாட்டியை மடியில் அமர வைத்து வாக்குச் சேகரித்த எம்.எல்.ஏ.!
தேர்தலுக்கு ஒரு மாதமே உள்ள நிலையில், வேட்பாளர்களை அறிவித்து, வாக்குச் சேகரிக்கும் பணிகளை அனைத்து அரசியல் கட்சிகளும் தொடங்கியுள்ளன. அந்த வகையில் ஏற்கனவே முதற்கட்ட வேட்பாளர்கள் பட்டியலை வெளியிட்ட காங்கிரஸ் கட்சி, தற்போது 45 பேர் கொண்ட இரண்டாம் கட்ட வேட்பாளர்கள் பட்டியலை வெளியிட்டுள்ளது.
இதில், இந்திய கிரிக்கெட் அணியின் முன்னாள் கேப்டன் முகமது அசாருதீன் ஜூப்ளி ஹில்ஸ் தொகுதியில் களமிறக்கி காங்கிரஸ் கட்சி அறிவித்திருக்கிறது. இந்த இரண்டாம் கட்ட பட்டியலுடன் இதுவரை 100 வேட்பாளர்களை காங்கிரஸ் கட்சி அறிவித்துள்ளது.
“தனக்கும், தனது குடும்பத்தினர் உயிருக்கும் ஆபத்து”- நீதிபதிக்கு சந்திரபாபு நாயுடு கடிதம்!
இதையடுத்து, காங்கிரஸ் கட்சியின் வேட்பாளர்களும், தொண்டர்களும் தீவிர வாக்குச்சேகரிப்பில் ஈடுபட்டுள்ளனர். தெலுங்கானா மாநிலத்தில் ஆளும் பிஆர்எஸ் கட்சி, பா.ஜ.க., காங்கிரஸ் இடையே ஆட்சியைப் பிடிப்பதில் மும்முனைப் போட்டி நிலவுகிறது.