பின்னடைவை சந்தித்து வந்த பிரதமர் மோடி தற்போது முன்னிலை!

வாரணாசியில் தொடர்ந்து பின்னடைவை சந்தித்து வந்த பிரதமர் நரேந்திர மோடி தற்போது 436 வாக்குகள் வித்தியாசத்தில் முன்னிலை வகித்து வருகிறார்.

18வது மக்களவை தேர்தல் கடந்த ஏப்ரல் 19-ந் தேதி முதல் ஜூன்1-ந் தேதி வரை 7 கட்டங்களாக நடந்து முடிந்தன. 96 கோடி வாக்காளர்களில் 64 கோடி பேர் தங்களது ஜனநாயக கடைமையை ஆற்றினர். மொத்தமுள்ள 543 தொகுதிகளில் 542 தொகுதிகளுக்கு 7 கட்டங்களாக வாக்குப்பதிவு நடைபெற்றது. குஜராத் மாநிலம் சூரத் தொகுதியில் பா.ஜனதா வேட்பாளர் போட்டியின்றி தேர்வு செய்யப்பட்டார். இந்த நாடாளுமன்ற தேர்தலுடன் ஆந்திரா, ஒடிசா, அருணாசலபிரதேசம், சிக்கிம் ஆகிய 4 மாநில சட்டமன்றங்களுக்கும் தேர்தல் நடைபெற்றது. இந்நிலையில் இன்று காலை 8 மணிக்கு வாக்கு எண்ணிக்கை தொடங்கியது. முதலாவதாக தபால் வாக்குகள் எண்ணப்பட்டு அறிவிக்கப்பட்டன.

இந்த நிலையில், வாரணாசியில் தொடர்ந்து பின்னடைவை சந்தித்து வந்த பிரதமர் நரேந்திர மோடி தற்போது 436 வாக்குகள் வித்தியாசத்தில் முன்னிலை வகித்து வருகிறார். வாரணாசி தொகுதியில் பிரதமர் மோடியை எதிர்த்து காங்கிரஸ் கட்சி சார்பில் அஜய் ராய் போட்டியிட்டார். வாக்கு எண்ணிக்கையின் தொடக்கத்தில் பிரதமர் மோடி முன்னிலை வகித்து வந்த நிலையில், அடுத்த இரண்டு சுற்றுகளில் அஜய் ராய் முன்னிலை வகித்தார். இந்நிலையில், மீண்டும் பிரதமர் மோடி முன்னிலை வகித்து வருகிறார். பிரதமர் நரேந்திர மோடி தற்போது 436 வாக்குகள் வித்தியாசத்தில் முன்னிலை வகித்து வருகிறார்.